AMSAL 21:12 - Alkitab Singog In Mongondow Masa In Tanaa

¹² Ki Allah Inta Totok in moadil monotaaubí kon onu in mobaḻí kon bonu in baḷoi intau moraat. Sia in mopotabatbí kon i monia dá moyopú in mosia.

AMSAL 21:12 Referans Kwoze

AMSAL 14:11

Baḷoi in intau mopia umuranbí moroton; baḷoi in intau moraat in moumpagbí.

KORINTUS 1 10:5

Táe umpaka natua yo nobayongbí doman in kon sigad monia tua in kinodoí i Allah. Tuamai in nobarong kon sigad monia in minatoi kon padang gurun.

AMOS 4:11

Tongosilai nongkon i monimu yopúon-Ku ná pinoyoyopú-Ku kon Sodom bo Gomora. Inta nobiagpa kon sigad monimu in naonda bo ḷomput in kayu inta ginamá nongkon tuḷú. Umpaka natua, moiko in diábí doman nobui mangoi kon i-Nakó.

AMSAL 14:32

Intau moraat moyopú popisí in aidnea moraat, intau mopia ḷukadan in aidnea inta motuḻid.

MAZMUR 107:43

Igumon mako intau mobijaksana in morai kon bayongan intua bo akúon monia kon ki Tuhan in umuranbí motabi.

MAZMUR 52:5

Iko in moibo-ibogbí kon inta moraat nongkon inta mopia, moibo-ibog monguboḷ nongkon moguman kon inta mobanar.

AYUB 8:15

Moropot degá in pugad tatua aka baḻíon oandoḷan? Mokotahang degá in siningkoi tatua aka baḻíon kokadaian?’

AYUB 5:3

Nokoimontandon inontongku in intau bodok; kobiagannea koontongan moroton totok. Táe nodaḻídon kinutukku in pinogutunannea.

HOSEA 14:9

Intau in Israel in moḷumbúbí kon patong mita berhalanea; mosia in ḷukadan-Kubí bo tubagan-Ku in sambayangnea. Naonda bo pangkoi in kayu inta umuran mobarong in daunnea, Oḻiungan-Kubí in mosia. Akuoibí in pangkoi in bayongan barakat monia. Akuoi, ki Tuhan, ain nosingog.”

AMSAL 13:6

Aid mojujur moḷukad kon intau inta mobiag motuḻid; aid moraat mokorimumud kon intau inta binaradosa.

KINOBAḺIAN 19:29

Natuata, tungkuḷ in ki Allah nomokak kon kotá mita tatua bo ḷopá inta pinogutunan i Lot, kinotoropan i Allah in ki Abraham bo sinuḷungan-Nea in ki Lot noḷagui.

AMSAL 29:16

Aka intau moraat in mongawasa, yo modugangbí in aid moraat. Táe intau motuḻid in mokoontongbí kon korimumudan in intau moraat.