AMSAL 20:25 - Alkitab Singog In Mongondow Masa In Tanaa

²⁵ Raipa muna kopiraan kon dodai in diápa mopodandi in kuruban kon i Tuhan. Dika-dika bo momanasaḷ in iko in kon singgai moiduduimai.

AMSAL 20:25 Referans Kwoze

MATIUS 5:33

“Moiko ain nokodongog doman kon onu inta ain pinoguman i Tuhan kon mogoguyang naton: donaai moḷagui kon dandi, Onu inta ain pinodandimu takin ibot kon tayowon i Allah, musti aidaimu intua.

IMAMAT 5:15

Aka intau tobatú takin diá sinumuod bo ain noiḷaut in nogaid kon dosa sin nokoḻiong nobogoi in sosumbanea mita inta ain sinantú ogoi kon i Tuhan, dá intau tatua in musti modia kon kuruban mobaḻí toḻiu in karugian. Kuruban tatua musti domba tobatú ande bembé koḷakian inta totok in mopia, bo iapon podudui kon boḻinea inta sinantú kon Ḷoḷaigan i Tuhan.

AMSAL 18:7

Tosingogon in intau bodok mokorimumud kon inia tontaní; sia in moibaaḷ kon singognea tontaní.

AMSAL 18:13

Motubag kon dodai in diápa mokidongog in aidbí inta mobodok bo mokooyá.

MOHOHUTUBA 5:2

Mokakit in mohawatir, mokodugang kon tumogoindop kon inta diá mopia. Mokakit in mosingog, mokodugang doman kon tosingogon inta diá in mangaḻenea.

ULANGAN 23:22

Moiko in diábí baradosaan aka diá modandi kon i Tuhan.

ULANGAN 23:23

Táe aka ibogmubí tontaní in modandi kon i Tuhan Allahmu, yo mustibí intompodan monimu intua.

ULANGAN 23:24

Aka moiko bo koyogot mayá bo sinumaḻib kon gobá in anggur in intau ibanea, yo motaaubí in moiko mokaan kon bungai in anggur tongonukabí in koibog monimu, táe diábí motaau mobonu kon karansi.

HAKIM MITA 21:22

Aka ki amá ande ki utatnea ḷoḷaki mamangoi bo monuntut kon inia, moiko motaau moguman, ‘Poigumon nami, pomayádon mako in mosia kon inami. Diábí inagow nami in mosia kon parang. Bo popisí in moiko diá mobogoi kon i monia kon inami, dá moiko in diábí iḻimimpat kon dandi, dá diábí kotaḷá.’ ”