AMSAL 20:11 - Alkitab Singog In Mongondow Masa In Tanaa

¹¹ Nongkon oaid in adí yo kotaauan bidon mongo dodianea mopia bo motuḻid.

AMSAL 20:11 Referans Kwoze

MATIUS 7:16

Bagubí nongkon oaid monia tua ain kotaauan mongo ki ine i mosia. Degá oyúon in intau mosipú kon bungai in anggur kon pangkoi in díat, andeka ḷantat kon pangkoi in bo bonganga.

AMSAL 21:8

Intau inta kotaḷá, moikaing in daḷannea; intau inta mopia tantú motuḻid in kobobiagnea.

MAZMUR 58:3

Diá, moiko in nonomayá kon moraat, bo nopoaid kon inta mobogat kon butá tanaa.

LUKAS 1:15

Sia in mobaḻí intau moḷoben kon tayowon mata i Tuhan, bo sia tua in diábí monginum kon anggur andeka oinumon ibanea mako inta mokoḷoḷangu, bo sia in kinawasadon in Roho i Allah nongkon bonupamai in sian i inánea.

MAZMUR 51:5

Sin inakukubí in bayongan in taḷáku, dosaku in umurankubí toro-toropon.

LUKAS 1:66

Bo komintan intau inta nokodongog kon ouman tatua noḻibo-ḻibóan kon bonu in gina, “Mobaḻí onu degá in adí tatua in kon singgai moiduduimai?” Sin sia kokapi-kapit i Tuhan.

AMSAL 22:15

Nongkon dungkuḷpabímai mongoadí mita in mogaid kon inta mobodok, táe uwoi in motaaubí pomout sinbá mobaḷui in dodia monia.

AMSAL 20:12

Bongoḷan in pakéon mokidongog bo mata in poindoi, doyowa tua in ki Tuhanbí in nomaḻí.

TAWARIKH 2 34:3

Naonda in waḷudon notaong in nobaḻí datu, kon umur inta totokpa in noguod, ki Yosia in nomangkoidon noibada kon i Allah inta sinumba i Datu Daud mogoguyangnea. Opat notaong noiduduimai nomangkoidon in sia norimumud kon tampat mita pososumbaan kon berhala, patong mita i dewi Asyera, bo berhala mita ibanea.