AMSAL 2:4 - Alkitab Singog In Mongondow Masa In Tanaa

⁴ Tayak intua ná motayak kon buḷawan, bo batuk intua ná momatuk kon kapunyaan inta noibuni.

AMSAL 2:4 Referans Kwoze

MATIUS 13:44

“Aka ki Allah momarenta, yo naonda: Bo kapunyaan inta noiḷobong kon gobá inta nouḻí in intau, bodongka iḷobongnea bui. Popisí in pia in ginanea, dá minayádon in sia bo nopotaḷui in bayongan kapunyaannea bo sinaḷuineadon in gobá tatua.”

MATIUS 19:29

Bo pomuḷoi intau inta nonaḷámai kon baḷoinea, kon i utatnea ḷoḷaki bo bobay, kon i amá bo kon i inánea, kon i adínea mita andeka nonaḷámai kon gobánea sin dumudui kon i-Nakó, yo sia tua in motarima bui kon moiḻiu kon tua. Bo sia in mokodungkuḷ domandon kon kobiagan mopia bo mononoi.

AMSAL 16:16

Mokouḻíbí kon hikmat in mopia-pia kon mokouḻí kon buḷawan; mokouḻí kon sinotaau in mobara-baraguna in mokouḻí kon saḷaka.

AYUB 3:21

Poḷoḷobonganbí in koibo-ibog monia nongkon kapunyaan, mogoḷat kon popatoi táe diápa doman moiango-angoi.

LUKAS 16:8

Dá pinuji i tuangnea in bendahara inta diá mojujur tatua popisí in mobayong in akaḷnea; sin intau mita inta modunia in mopando-pandoi monompira kon oaidan monia dika in intau mita inta nobiag kon nobayag.”

MOHOHUTUBA 4:8

Oyúon in intau nobiag sia-sia mita diá kogadí, andeka diá kogutat. Umpaka natua, sia in umuran simiḷopí bo ginanea diá kon dodai in onda moorop in ibog in kapunyaannea. Kon i inebí in inta siniḷopíannea bo doí kon kasanangan? Tua in diá doman in mangaḻenea, bo kobobiag inta mororiga.

AMSAL 23:23

Totundú inta mobanar, hikmat, topotundú, bo pomomangaḻe – tua komintan in patusbí taḷuion, bo donaaibí potaḷui.

MAZMUR 119:127

Parenta-Mu mita in kinoibogku totok noiḻiu kon buḷawan taakan.

MAZMUR 119:72

Kon inakó in hukum-Mu in mopia-pia nongkon bayongan in buḷawan bo saḷaka kon dunia.

MAZMUR 119:14

Noḷunganga in ginaku in dinumudui kon parenta-Mu mita, naonda bo nokouḻí kon bayongan in kapunyaan.

MAZMUR 19:10

Motoguondok kon i Tuhan tua in mopiabí, moiyaputbí in mononoi. Hukum i Tuhan tua in totuubí bo moadilbí komintan.

AMSAL 2:3

Adíku, poḷongasi mokouḻí kon raian inta mopandoi bo poigum kon pomomangaḻe.

AMSAL 8:17

Akuoi in motabi kon i monia inta moibog kon inakó; inta motayak kon inakó, in moyodungkuḷkubí.

KINOBAḺIAN 26:32

Kon singgai doman tatua bobantung mita i Ishak namangoi bo nopotaau kon inia soaḷ parigí inta ain kinaḻi monia. Guman monia, “Kami in nokouḻídon kon tubig.”

AMSAL 4:7

Inta totok in moponting bo inta musti muna-munamai aidanmu, tuata in moḷongasi mobaḻí mobijaksana. Onuka in tayakonmu, inta totokanea in moḷongasibí sinbá mokouḻí kon pomomangaḻe.