AMSAL 2:22 - Alkitab Singog In Mongondow Masa In Tanaa

²² Táe intau moraat bo binaradosa in pogambat kon ḷuai i Allah nongkon butá tatua, naonda bo bonok irabut nongkon butá.

AMSAL 2:22 Referans Kwoze

MAZMUR 52:5

Iko in moibo-ibogbí kon inta moraat nongkon inta mopia, moibo-ibog monguboḷ nongkon moguman kon inta mobanar.

MAZMUR 37:28

Sin ki Tuhan in motabibí kon oaid inta mopia bo moadil, intau inta motoindudui kon i-Nia in diábí bio-bióon-Nea mako in moiḷaḻe. Sia in moḷukadbí kon i monia modapot in mononoi, táe buí in intau moraat in yompatonbí.

ULANGAN 7:22

Bangusa mita tatua in poguntunon-Neabí piḻim-piḻikon nongkon tayowonmu. Diábí motaau in baḷúon monimu yopúon kodaiton, sinbá mahaḷuk mita inta moraat diá modugang mobarong bo mobaḻí gogondok kon inimu.

AMSAL 10:30

Intau motuḻid in gina in mobiag moaman bo motompia; intau moraat in diábí mogutun kon butá inta inogoi kon inia.

MAZMUR 145:20

Sia in moḷukadbí kon batúan in intau inta moibog kon i-Nia, táe intau moraat in putúan-Neabí.

MAZMUR 104:35

Biódon mako in intau binaradosa moinggamá kon dunia naa, biódon mako in intau moraat modait moyopú. Dayowdon in ki Tuhan, ei dimukudku! Dayowdon in ki Tuhan!

AYUB 21:30

Guman monia, “Kon singgai ki Allah nopoḷabú in hukuman, intau mita moraat in posaḷamatonbí.”

MAZMUR 37:22

Intau inta binarakatan i Tuhan in motarimabí kon butá tatua, táe intau inta kinutuk-Nea in untunon-Neabí.

MAZMUR 37:20

Táe intau moraat in moyopúbí, musung i Tuhan in moinggamábí naonda bo bungang kon rawang, mosia in mobuḻibí kon bonu in poyok.

ULANGAN 29:28

Torú i Tuhan noiḷuai námai tua in kotoyangnea, bo kon bonu in torú-Nea inta totok in moḷoben tatua Sia nogugut kon bangusa Israel nongkon butá monia bo nopogarab kon i monia minayá in butá in intau dá mosia in nogutundon kon tua.’

AMSAL 11:3

Intau mopia in kapiton in aidnea tontaní inta motuḻid; intau inta moibog monguboḷ in rimumudon in uboḷnea tontaní.

ULANGAN 29:20

Ki Tuhan in diábí mongampung kon intau ná tatua. Táe, Sia in kotugatanbí in torú i Tuhan inta moḷoben, bo bayongan bodito inta pinais kon bonu in buk tanaa in moiumabí kon inia modapot in sia yopúon i Tuhan.

DATU MITA IMITÁNEA 14:14

Israel in ogoianbí i Tuhan in datu tobatú inta mogimpaḷut kon ḷoḻitúan in buí i Yerobeam saḷaku datu. Noiangoidon in singgainea! Pinangkoidon tanaa

TAWARIKH 1 10:13

Ki Saul in minatoi popisí in diá in sia mosatia kon i Tuhan, bo diá doman dinumudui kon parenta-Nea mita. Diábí in sia nopoigum in topotundú mita nongkon i Tuhan, táe nopoigumbí kon dimukud mita in intau mita inta ain minatoi. Tuamai in ki Tuhan nohukum kon inia bo noposarakan in tampat pomomarentaannea kon i Daud adí i Isai.

MAZMUR 52:7

Táe iko in yompatonbí i Allah modapot in mononoi; iko in dinomok bo pogarab nongkon baḷoimu, bo inggamáandon nongkon dunia in intau nobiag.