AMSAL 19:19 - Alkitab Singog In Mongondow Masa In Tanaa

¹⁹ Biódon mako in intau inta moḷongka-ḷongkang mako in tumorú motarima tontaní kon bungainea. Aka iko motuḷung kon inia, iko in tongábí modugang kon torúnea.

AMSAL 19:19 Referans Kwoze

AMSAL 25:28

Intau inta diá mokoigon kon ginanea in naonda bo kotá inta ain noumpag in dindingnea.

AMSAL 29:22

Intau inta bayá-bayá tumorú mokopopisí kon mobayong in intau mobobayowan bo baradosaan.

AMSAL 19:18

Tundú kotompiraan in ki adímu kon dodai in oyúonpa in kamang; aka diá dá mangaḻenea ibogonmu in morimumud in sia.

AMSAL 19:20

Aka iko moibog mobalajar bo mokidongog kon tonggina, yo kon singgai moiduduimai iko in mobaḻí intau inta kohikmat.

AYUB 5:2

Tongábí intau inta bodok in matoi dinia in nakit in ginanea.