AMSAL 19:14 - Alkitab Singog In Mongondow Masa In Tanaa

¹⁴ Baḷoi bo kapunyaan motaaubí in mouḻí nongkon guranga, táe buḷoi bobay inta mobijaksana in barakatbí nongkon i Tuhan.

AMSAL 19:14 Referans Kwoze

AMSAL 18:22

Intau inta mokouḻí kon buḷoi bobay, mokouḻí kon kauntungan; buḷoi in barakat nongkon i Tuhan.

AMSAL 13:22

Intau mopia in mopoabatbí in kaoyúonannea kon i adí bo ompunea; kaoyúonan in intau binaradosa in sinagú kon intau inta motuḻid in kobiagannea.

AMSAL 3:6

Toropbí in ki Tuhan kon bayongan in aidanmu, dá tundúon-Neabí in kobobiagmu inta mopia.

YAKOBUS 1:17

Pomuḷoi in oogoi inta mopia bo tombuinag inta mosompurna, namangoibí intua nongkon soroga, pinopoponag i Allah inta nomia kon bayongan inta nobayag kon ḷangit. Sia tua in ki Allah inta diá kon dodai in onda mobaḷui bo diábí doman mokopopisí in mogaid kon inta mosindip.

KORINTUS 2 12:14

Kotoḷudon naa akuoi in nonomayá mokipodungkuḷ kon i monimu. Bo akuoi in doíbí mokiposusamai kon i monimu, sin deemanbí kapunyaan monimu in tayakonku, táe moikobí. Sin deemanbí mongoadí in musti motayak kon kaanon in guyanganea, táe guyangabí in musti motayak kon kaanon i adínea mita.

ULANGAN 21:16

Aka intau tatua moibog monantú mongo naonda in pososilainea kon kapunyaannea kon i adínea mita, sia in diábí motaau in momiḻí kon adí inta noilahir nongkon i buḷoinea inta totok in kinotabinea poḷat mobogoi kon adí tatua in tonsilai inta nobaḻí hak in adí guya-guyang.

YOSUA 11:23

Bayongan in butá tatua inagow i Yosua pinodudui kon parenta i Tuhan kon i Musa, bo inogoi kon intau in Israel nobaḻí kapunyaan monia. Butá tatua in sinila-silai, bo batúan in suku nokouḻí kon tongosilai. Bangusa Israel nogogaidon noparang bo butánea in noaman bo nobiag notompia.

KINOBAḺIAN 24:7

Ki Tuhan, Allah inta nongawasa kon ḷangit, aindon nodia kon inakó nongkon baḷoi i amáku bo nongkon butá in ginaḷumku, bo Sia ain nongibot kon inakó kon Sia in mobogoibí in butá tanaa kon buíku. Sia in mopotabábí doman in malaekat-Nea sin motuḷung kon inimu, sinbá iko in mokouḻí kon bobay tobatú kon tua sin baḻíon buḷoi i adíku.

KINOBAḺIAN 24:44

Aka moibog in sia mobogoi intua, bo moibog doman in sia mobogoi in tubig kon untaku mita, dá sia tuata in igumon mako ogoi i Tuhan mobaḻí buḷoi i adí i tuangku tua.’