AMSAL 19:1 - Alkitab Singog In Mongondow Masa In Tanaa

¹ Maníka bo intau bogá inta motuḻid in kobobiagnea, dika in intau bodok inta moibog monguboḷ.

AMSAL 19:1 Referans Kwoze

AMSAL 28:6

Maní doman bo intau bogá inta motuḻid in ginanea bo dika in intau nooyúon inta motombogá.

MATIUS 16:26

Onubí in baragunanea aka intau mokouḻí kon bayongan inta koibognea kon dunia naa, táe sia in matoi?

AMSAL 16:8

Maníka moyakag in mouḻí táe noidoyon kon gina motuḻid, dika in mobayong in mouḻí táe pinongin aid motombogá.

AMSAL 19:22

Sipat inta oḷaton mako kon intau tobatú in kotoinduduineabí. Mopia-piabí kon bogá dika in mobaḻí mouboḷ.

AMSAL 20:7

Adí mita mountung aka oyúon in guyanga ḷoḷaki inta mopia bo motuḻid in kobobiagnea.

AMSAL 15:16

Maníka bo moyakag in kapunyaan táe takin motoguondok kon i Tuhan, dika in mobayong in kapunyaan táe umuran moondok mako.

AMSAL 14:2

Intau inta mojujur in moondok bo mohoromat kon i Tuhan Allah; intau inta kobiagannea diá motuḻid in gina moningkuḻe kon i-Nia.

YESAYA 59:3

Moiko in kotaḷá popisí in nonguboḷ bo nonombogá, sin ain nogaid kon inta moraat bo noḻimod.

MAZMUR 37:26

Sia in umuranbí mopoḷuan bo mobogoi, bo ki adínea mita in nobaḻí barakat kon inia.

AMSAL 12:26

Intau mopia in mopia-pia in kobiagannea nongkon topodiugnea; intau moraat moiḷaḻe popisí in aidnea moraat.

MAZMUR 26:11

Táe akuoi in nobiag notuḻid in gina, kotabipa bo poḷuatdon kaasí in akuoi.

SAMUEL 1 25:25

Dikadon raionmai i Tuangku in ki Nabal, intau inta diá in baragunanea tatua! Sia tua in intau inta nobodok – notongkai ná tangoinea. Bobantung naa in diábí nokoontong kon totabá mita inta pinotabá i Tuangku tua.

SAMUEL 1 25:17

Manangka intua, raidon kopia in soaḷ tanaa, bo tantúdon onu inta motaau pomiaan i Iná. Sin notantú bidon kon moiangoibí in tontuḻí kon i tuang naton bo kon bayongan in motoḷuadínea. Ki Tuang naton in totuu motontogat in gina modapot in sia diá motaau anutan mongonguman!”

AMSAL 4:24

Dika mokoimontanmai in mosingog kon onu inta diá totuu. Popoyayú in tosingogon mita inta uboḷ bo tosingogon mita inta makusud mopoḷaḻe kon intau.