AMSAL 17:7 - Alkitab Singog In Mongondow Masa In Tanaa

⁷ Intau inta ihoromat in diábí patus mosingog kon uboḷ; intau bodok diábí patus mosingog kon tosingogon mita inta baraguna.

AMSAL 17:7 Referans Kwoze

AMSAL 29:12

Aka mongongawasa mokidongog kon habar uboḷ, pogawainea in mobaḻíbí moraat komintan.

MATIUS 7:5

Ei intau momunapik! Poḷuaipa muna in kayu kon bonu in matamu, sinbá motarang in matamu, bo motaaudon mopoḷuai in puḻing kon mata i utatmu.

AMSAL 26:7

Naonda bo intau ḻempeng mopoḷampang in sioḷnea, natua doman in intau bodok inta mononggina.

AMSAL 12:19

Uboḷ in moibukábí doman kon bonu in tongá tokokiap in mata, táe tosingogon mita inta mobanar in mononoibí.

AYUB 34:12

Ki Allah Inta Totok in mokawasa diábí mogaid kon inta moraat; bayongan in intau inogoian-Nea koadilan.

SAMUEL 2 23:3

Ki Allah i Yakub ain nosingog; kon inakó moḷoḷukad in Israel in noguman: “Datu inta nomarenta kon rayat takin moadil inta nonongganut takin toindudui kon i Tuhan,

MAZMUR 31:18

Dikabí pomayá mako in akuoi pokopooyáanmai, o Tuhan, sin akuoi in nokuani kon ini-Mu. Biódon mako intau moraat pokopooyáanmai, bo kibio-biómai moponag kon dunia in intau minatoi.

AMSAL 12:22

Ki Tuhan in doíbí kon intau mouboḷ; táe mopia in gina-Nea kon intau inta motuḻid in gina.

AMSAL 19:10

Diábí patus in intau bodok mobiag mooyúon, bo diábí doman patus in bobantung momarenta kon mongongawasa.

AMSAL 24:7

Intau bodok in diábí mokodoḷop kon hikmat. Sia in diábí mokosingog kon onu bo onu aka intau koyogot in mongonguman kon inta moponting.

AMSAL 26:1

Ná uyan kon sempo in pononinggai, bo salju kon dodai in singgai mopatú, natua doman in dodayow kon intau bodok diá in maanannea.