AMSAL 17:6 - Alkitab Singog In Mongondow Masa In Tanaa

⁶ Inta mokoḷunganga kon intau inta ain nogoguyang in adí bo ompubí; mokoḷunganga kon adí in guyanganeabí.

AMSAL 17:6 Referans Kwoze

AMSAL 16:31

Intau mojujur in ogoianbí in umur moḷanggó; ubannea in naonda bo mahkota inta mopouḻi-uḻinag.

AMSAL 13:22

Intau mopia in mopoabatbí in kaoyúonannea kon i adí bo ompunea; kaoyúonan in intau binaradosa in sinagú kon intau inta motuḻid in kobiagannea.

DATU MITA IMITÁNEA 15:4

Táe, popisí in nonorop kon i Daud, dá ki Tuhan, Allah inta sinumba i Daud, ain nobogoi kon i Abiam in adí tobatú sin monoḻiu kon inia momarenta kon Yerusalem bo moḷukad kon kotá tatua.

DATU MITA IMITÁNEA 11:12

Umpaka natua, popisí in ki amámu ki Daud, Diábí aidan-Ku intua kon dodai in iko mobiagpa. Kon tungkuḷ in ki adímu ḷoḷaki in momarenta, baintua bo aidan-Ku intua.

KINOBAḺIAN 50:23

Sia in nokooḷat bo nokoontongpa kon i adí bo ompu i Epraim. Ná doman tua ki adí mita i Makhir, inta ki ompu i Manasye sinompianeapamai ná ki adínea tontaní.

KINOBAḺIAN 48:11

Bo ki Yakub in nogumandon kon i Yusup, “Totok bidon diá kon gina-ginaku mako kon buipa akuoi moyodungkuḷmu, táe tanaa ki Allah nobogoipa doman in wakutu kon inakó noyodungkuḷ i adímu mita.”

IḶUAIAN 20:12

Horomatbí in ki amá bo ki inámu, sinbá moiko mobiag motompia bo moumur in kobiagan kon butá inta ogoi-Ku kon inimu.

MALEAKHI 1:6

Ki Tuhan Inta Totok in mokawasa in noguman kon imang mita, “Adí tobatú in mohoromatbí kon i amánea, bo mobobantung tobatú in mohoromatbí kon i tuangnea. Akuoi i naa in ki Amámu; nongonu sin moiko in diábí mohoromat kon i-Nakó? Akuoi naa in ki tuangmu; yo nongonu sin moiko in diábí moondok kon i-Nakó? Moiko in mopoompámai kon i-Nakó, táe moiko in noḻibó, ‘Naonda in pinononingkuḻe nami kon ini-Mu?’