AMSAL 17:21 - Alkitab Singog In Mongondow Masa In Tanaa

²¹ Mokouḻí kon adí inta dondunguḷ in notongkaibí in nokouḻí kon robonoḷ in gina; mobaḻí amá in adí inta bodok diábí mobogoi in inta mokosanang kon gina.

AMSAL 17:21 Referans Kwoze

AMSAL 10:1

Naa in tonggina mita i Salomo: Adí inta mobijaksana in mokoyunggagá kon gina i amánea; adí inta bodok mokororiga kon gina i inánea.

AMSAL 19:13

Adí inta bodok mokorimumud kon i amánea. Buḷoi bobay inta mounsingog in naonda bo tubig inta umuran mototuyú.

AMSAL 17:25

Adí inta bodok mokosusa kon i amánea, bo mokoajar kon gina i inánea.

AMSAL 15:20

Adí inta mobijaksana, mokosanang kon gina i amánea; adí inta mobodok diábí mohoromat kon i inánea.

KINOBAḺIAN 26:34

Tungkuḷ in ki Esau umurdon opat nopuḷú notaong, sia in nonika takin mongodeaga doyowa nongkon suku bangusa Het, tangoi monia ki Yudit ki adí i Beeri, bo ki Basmat ki adí i Elon.

YOHANES 3 1:4

Aka kon inakó, diábí in poḻiu kon ḷunganga in ginaku wakutu in nokodongogmai kon ki adíku mita in umuran nobiag noidudui kon onu inta sinundú i Tuhan.

KORINTUS 2 2:3

Manangka intua akuoi in nomais kon surat tanaa kon i monimu. Sinbá aka akuoi mamangoi, yo diá yoyigaan monimu in ginaku, sin tongábí moiko in haraponku mako motaau mopoḷunganga in ginaku. Sin moyakinbí in akuoi kon aka ginaku bo mosanang, yo moiko in mosanangbí doman komintan.

SAMUEL 2 18:33

Nokodongogmai kon tua noajardon totok in gina i datu, bo noponik in sia kon yuang inta kon ḻimonik in ngara moḷoben bo nongombaḷ nogamui, “O adíku! Adíku Absalom! Absalom, adíku! Mopia-piabí kon akuoi in minatoi monoḻiu kon inimu, adíku! Absalom, adíku!”

SAMUEL 1 8:3

Táe mosia in diá dinumudui kon dodia i amá monia, táe tongábí motayak kon kauntungan monia tontaní. Mosia in moibog uboḻian kon pelekara bo diá moadil in mohakim kon rayat.