AMSAL 17:2 - Alkitab Singog In Mongondow Masa In Tanaa

² Bobantung inta mopandoi in mongawasabí kon adí inta moḷawang; bo motarimabí kon tonsilai moyotakin i utat mita in adí tatua.

AMSAL 17:2 Referans Kwoze

AMSAL 10:5

Intau mobijaksana in mosipunbí kon bungai in boyónea kon semponea, táe intau inta tongá mosiug kon sempo in posipunan kon bungai in boyó, mokopooyábímai kon inia tontaní.

MOHOHUTUBA 4:13

Intau nomasiking motaaubí in mobaḻí datu, bo intau inta pinonjara motaaubí momamping kon ḷoḻitúan in datu. Táe aka kon kogoguyangandon yo datu tatua in mobodokdon in motarima kon tonggina, dá siadon morori-roriga kon tayow mobiag inta nobogá táe mopandoi.

AMSAL 19:26

Adí inta momongkug bo mopoguntun kon guyanganea, in adíbí inta mokooyá bo nohina.

AMSAL 14:35

Mopiabí in gina i datu kon pogawai inta mopandoi; táe torúanneabí in pogawai inta diá motaau mogaid kon oaidannea.

AMSAL 29:15

Totundú bo toboḷow mokopobaḻí kon intau mobijaksana. Adí inta tantú duduian in ibognea mokopooyámai kon i inánea.

AMSAL 11:29

Intau inta moposusamai in tonibuḷoinea, in kobuḻianbí in bayongan yagi-yagi. Intau bodok in mobantungbí kon intau inta mobijaksana.

AMSAL 17:1

Maníka kaanon topoputok takin popiaan, dika in kaanon mopia inta mobarong takin bobayowan.

AMSAL 17:3

Buḷawan bo saḷaka in ujionbí kon tuḷú, táe gina in intau in ujionbí i Tuhan.