AMSAL 17:12 - Alkitab Singog In Mongondow Masa In Tanaa

¹² Mopia-piabí kon moyodungkuḷ in ki iná in beruang inta kinobuḻian i adínea, dika in moyodungkuḷ in intau bodok inta kinawasa in kobobodoknea.

AMSAL 17:12 Referans Kwoze

HOSEA 13:8

Akuoi in mondangatbí kon i monimu naonda bo beruang inta kinobuḻian i adínea mita. Yabi-yabion-Kubí in moiko. Naonda bo singa Akuoi in modomok kon i monimu kon tampatmu, bo naonda bo mahaḷuk ḻindong Akuoi in moyabi-yabi kon i monimu.

SAMUEL 2 17:8

Kinotaauan bidon i Tuang kon ki Daud bo intaunea mita tatua in intaubí mita inta mongotorindog bo mongobarani. Mosia tua in naonda bo kobarani in beruang kobaayan inta kinobuḻian i adínea. Apa doman ki Daud tua in tontara inta kopongalaman inta diábí dodai in onda in mosiug moyotakin in intaunea mita.

MATIUS 2:16

Naonda in kinotaauan i Herodes kon sia aindon inakaḷan in intau mita in Mayusi tatua, sinumorú totok in sia. Manangka intua pinoki ḻimodnea in bayongan adí kon Betlehem bo kon ḻipú inta noyodiugneamai. Bayongan in adí inta nodapot in umur doyowa notaong, tua in sinantúnea podudui wakutu inta kinotaauannea nongkon intau mita in Mayusi tua.

AMSAL 28:15

Intau moraat inta mongawasa kon intau inta kinodaitan, naonda bo singa inta moganggor andeka beruang inta mondudur.

AMSAL 27:3

Batu bo bungaion tua in mogaanpabí, aka poyobandingonmai in nakit in gina popisí in intau bodok.

DATU MITA 2 2:24

Ki Elisa in nobobui bo inimindoi kon i monia bo nogodi-godi kon i monia pinodoyon kon tangoi i Tuhan. Kon dodai doman intua iḷumuaidon in beruang kobaayan doyowa nongkon kayuon bo nomera-merak kon opat nopuḷú bodoyowá in mongoadí inta kon sigad in mongoadí mita tatua.

AMSAL 17:11

Intau moraat umuranbí mokopomuká kon ropatoi, táe popatoi in mamangoi kon inia nobaḻí totabá inta moromú.

AMSAL 29:9

Aka intau mobijaksana bo intau bodok mopelekara, intau bodok tua in tongábí momarontak bo kumosing dá mokopomukádon kon dowawá.