AMSAL 17:10 - Alkitab Singog In Mongondow Masa In Tanaa

¹⁰ Toboḷow komintan moiḻiu in mangaḻenea kon intau moibog mokidongog bo mopia-piabí kon ḷubag kogatut kon intau bodok.

AMSAL 17:10 Referans Kwoze

WAHYU 3:19

Intau mita inta kotabi-Ku, mosia tuata in toboḷowon-Ku bo sambokon-Ku. Manangka intua koropotdon in gina monimu bo pogogaidon in mogaid kon dosa mita.

AMSAL 29:19

Bobantung tobatú in diábí motaau in tundúon tongá pongin tosingogon mita. Komangaḻeanneabí, táe diábí indoianneamai.

AMSAL 27:22

Umpaka bouton koropoton in intau bodok, yo diábí doman moinggamá in kobobodoknea.

AMSAL 19:25

Aka intau moḷoḷatú hukumon, intau inta diá kopongalaman mokouḻí kon topotundú. Aka intau mopia toboḷowon yo modugang in sia mobijaksana.

AMSAL 15:5

Intau bodok diá mopandung kon tonggina i amánea, intau mobijak mokidongog kon toboḷow.

AMSAL 13:1

Adí moarip in mokidongogbí in aka tongginaan i amánea; intau moḷoḷatú in doíbí toboḷowon.

MAZMUR 141:5

Aka intau mopia monoboḷow kon inakó bo takin gina motuḻid mosambok kon inakó, tua in naonda bo ḷana inta totok in mopia kon inakó. Igumon mako in diá indoíonku intua, sin akuoi in umuran mosambayang monayow kon aid monia moraat.

AMSAL 17:9

Aka moibog kosanang in intau, ampungai in taḷá inta inaidan monia. Tantú mongonguman kon taḷá tongábí mokobontow kon yoyobayatan.

AMSAL 17:11

Intau moraat umuranbí mokopomuká kon ropatoi, táe popatoi in mamangoi kon inia nobaḻí totabá inta moromú.