AMSAL 16:4 - Alkitab Singog In Mongondow Masa In Tanaa

⁴ Bayongan yagi-yagi inta inaidan i Tuhan oyúonbí in makusudnea; bo makusud in intau moraat tuata in bodito.

AMSAL 16:4 Referans Kwoze

PETRUS 2 2:9

Dá kotaauanbí i Tuhan in moposaḷamat kon intau mita inta dinumudui kon ibog-Nea aka mosia koantugan in sobaan mita. Bo kotaauanbí doman i Tuhan in motagú kon intau mita inta moraat sin sikisaan kon Singgai Ponantúan,

SURAT I PAULUS KON JAMAAT RUM 9:22

Ná doman tuata in pinomia i Allah. Sia moibog mopoyaput in torú-Nea bo mopoontong in kawasa-Nea. Táe Sia in mosabar in mokoontong kon i monia inta musti hukumon sin ain nogaid kon onu inta mokosakí kon gina-Nea.

YESAYA 43:21

Mosiabí tua in bangusa inta binaḻí-Ku kon i-Nakó: sinbá motaau mopotaau in dodayow kon i-Nakó.”

YESAYA 43:7

Sin mosia komintan ain inoiní pinodoyon kon tangoi-Ku. Mosia in binaḻí-Ku sin mohoromat kon i-Nakó.”

PETRUS 1 2:8

bo “Tuata in batu inta nobaḻí kopopintudan in intau, batu inta mokopopisí kon i monia moḷabú.” Mosia in moipintud sin mosia diá mopirisaya kon singog i Allah. Natuabí in sinantú i Allah kon i monia.

PETRUS 2 2:3

Popisí in mosia motamaa, dá intau mita inta deeman totuu guru tua in mongonguman kon inimu in ouman mita inta tongá ai-aidan monia tontaní sinbá kouḻían monia kon kauntungan in moiko. Táe bá kotaauan monimu, pongadilan inta mopoḷabú in hukuman kon i monia tua in noonggot bidon in sinadia, bo koyoyangan inta ain sinantú kon i monia in mogoḷat bidon mako.

AYUB 21:30

Guman monia, “Kon singgai ki Allah nopoḷabú in hukuman, intau mita moraat in posaḷamatonbí.”

SURAT I PAULUS KON JAMAAT RUM 11:36

Ki Allah in nomia kon bayongan yagi-yagi. Komintanbí nongkon i Allah bo pinomakusudbí doman kon i-Nia. Dinayo-dayowdon in ki Allah nodapot in kopaḷutan dunia naa! Amin.

WAHYU 4:11

“O Tuhan, o Allah nami! Tongábí Iko in patus motarima kon dodayow, horomat bo kawasa. Sin Ikobí in nogaid kon bayongan in yagi-yagi, bo lantaranbí doman ibog-Mu dá bayongan in yagi-yagi tua ain nobaḻí bo nobiag.”

KINOBAḺIAN 1:31

Ki Allah in inimindoi kon bayongan inta ain pinomia-Nea tatua, bo nopia totok in gina-Nea. Doḷom noitaḻib bo namangoidon in doḷo-doḷom. Tuata in singgai inggonomnea.

IḶUAIAN 9:16

Táe pinomayá-Kupa mako moiko in nobiag, sinbá Akuoi in motaaupa mopoontong in kawasa-Ku kon inimu, sinbá tangoi-Ku totokdon kotaauan in bayongan intau kon dunia naa.

AMSAL 16:5

Bayongan in intau moḷoḷatú kinodoí i Tuhan; Diábí pomayá-Nea mako in mosia kotaḻiban in hukuman.

MOHOHUTUBA 3:11

Pinomianea in bayongan yagi-yagi mopia kon wakutunea. Inogoian-Nea in ibog in kita monotaau kon onu in mobaḻí kon singgai moiduduimai, táe diá mokosanggup in kita monotaau kon aid i Allah nongkon pinomangkoianmai modapot in imbuitnea.

AYUB 15:23

Ḷagapan mita mokokaan kon tapú mogoḷat kon wakutu in kopatoiannea, mosia in mokaan kon awaknea. Dá nosadardon in sia kon nodingungui in singgainea moiduduimai.