AMSAL 16:22 - Alkitab Singog In Mongondow Masa In Tanaa

²² Kobobijaksana in nobaḻí pangkoi in kopiaan kobiagan in intau mopia; intau bodok in rorigaan in bodoknea tontaní

AMSAL 16:22 Referans Kwoze

YOHANES 6:63

Rohobí i Allah in nobogoi in kobiagan kon intau. Ropot in intau naa diá baragunanea. Singog mita inta pinosingog-Ku kon i monimu naa in singogbí mita in Roho i Allah bo singogbí inta mobogoi in kobiagan.

MATIUS 15:14

Pomayádon mako intau mita natua. Sin mosia tua in intau bilog inta motundú kon daḷan kon intau doman bilog. Sin aka intau bilog bo mokapit kon intau doman bilog, yo tumpaḷabí in taya dua moḷabú kon bubú.”

AMSAL 13:14

Totundú in intau mobijaksana in naonda bo pangkoi in kopiaan; aka oyúon in mokoondok, totundú tatua in moposaḷamat.

YOHANES 5:24

Totuu totok in singog-Ku tanaa: Intau inta monarukira kon singog-Ku mita, bo mopirisaya kon i-Nia inta nopotabá kon i-Nakó, yo oyúon in kobiagan mopia bo mononoi. Sia in diábí hukumon; sia in noipilatdon nongkon kinopatoian bo mokouḻí kon kobiagan.

AMSAL 10:11

Pososingog in intau mopia mokopoangoi kon kobiagan mopia, táe kon tosingogon mita in intau moraat noibuni in gina inta moromú.

YOHANES 6:68

Dá ki Simon in noḻibó, “Tuhan, kon i inepa in bayáan nami? Tosingogon i Tuhan mobogoi in kobiagan mopia bo mononoi.

AMSAL 18:4

Tosingogon in intau in naonda bo pangkoi in kobobijaksana, modaḷom naonda bo baḷangon, moonow ná tubig inta moiḻig.

AMSAL 15:28

Intau mopia morai muna bo mosingog; intau moraat mosingog kon inta moraat.

AMSAL 15:2

Tosingogon in intau mobijak mokopomia kon gina moangá kon sinotaau; tosingogon in intau bodok tongábí moguman kon kobobodok.

AMSAL 14:27

Motoguondok kon i Tuhan in mobaḻí pangkoi in kobiagan mopia; bo daḷan simimparut kon popatoi.

AMSAL 3:22

dá kobiaganmu in koḷukadanbí – mopia bo mokosanang.

AMSAL 16:21

Intau mobijaksana in kotaauanbí kon pororainea inta mopandoi; potosingognea inta mokosanang, mokorigon kon onu in siningognea.

AMSAL 16:23

Raian in intau mopia in mokopomuká kon tosingogonnea mita mobijaksana, bo totundúnea mokoyakindon totok.

AMSAL 18:7

Tosingogon in intau bodok mokorimumud kon inia tontaní; sia in moibaaḷ kon singognea tontaní.