AMSAL 16:21 - Alkitab Singog In Mongondow Masa In Tanaa

²¹ Intau mobijaksana in kotaauanbí kon pororainea inta mopandoi; potosingognea inta mokosanang, mokorigon kon onu in siningognea.

AMSAL 16:21 Referans Kwoze

YESAYA 50:4

Ki Tuhan Inta Totok in moḷantud in notundú kon inakó nosingog, sinbá tosingogonku in mokoropot kon intau inta noḷungkoyó. Pomuḷoi in doḷo-doḷom pomuká-Nea in ibog in ginaku sin mokidongog kon totundú-Nea kon inakó.

AMSAL 15:7

Tosingogon mita in intau mobijaksana nopuḻing in sinotaau, táe raian in intau bodok in diábí natua.

AMSAL 27:9

Ná doman ḷana mobondu bo inta bo mongobondu ibanea mako mokosanang kon gina, natua doman in kopopia in yobayat mokoonow kon gina.

YAKOBUS 3:17

Táe intau inta nokouḻí kon kabijaksanaan nongkon i Allah, yo sia in muna-munamai totok modarit, onda intua moibog in sia kon dodamean, mobahasa mako, bo motoindudui. Moḷoben in tabinea bo oaidnea mongopia. Diábí in sia momiḻí kon intau bo diábí tongá ki ubo-uboḷmai mopia.

YOHANES 7:46

Dá moḷoḷukad mita tatua in notubag, “Uḻe, diápa kon dodai onda in intau in mosingog ná pososingog-Nea tatua!”

LUKAS 4:22

Onu inta poguman-Nea, komintan mokosanang kon gina monia, sahingga kinoibog monia in Sia bo umuran monia indongogan in poguman-Nea. Bayongan in intau kon tua komintan in noḻibo-ḻibóan, “Degá Siabí naa inta ki adí i Yusup?”

MOHOHUTUBA 12:10

Sia in moḷongasi motayak kon tosingogon poḻipoi, bo tosingogon mita inta pinaisnea in mojujurbí.

AMSAL 23:15

Adíku, mosanangbí totok in akuoi aka mobijaksana in iko.

AMSAL 10:8

Intau inta mopandoi, moibog motarima kon tonggina; intau inta tongá kino singo-singognea in moiḷangkambí.

MAZMUR 45:2

Tosingogon mita mopia noiḷuai nongkon ginaku, posumbaku in dondongku kon i datu. Naonda bo pomomais in pujangga inta motoḻindat, diláku in nosadiadon mopoyaput in pantun.

DATU MITA IMITÁNEA 3:12

dá onu inta pinoigummu tatua in ogoi-Kubí. Baḻíon-Ku in iko mobija-bijaksana bo mopando-pandoi nongkon i inekabí doman, pinomayá kon dungkuḷmai andeka kon singgai moiduduimai.

SURAT I PAULUS KON JAMAAT RUM 16:19

Bayongan in intau ain nonotaau kon ná onda in kotoindudui monimu kon totundú soaḷ Habar Mopia inta nongkon i Allah. Nokotaaumai kon natua in aid monimu, nopia totok in ginaku. Ibogonku mobijaksana in moiko in mogaid kon soaḷ mita inta mopia, bo diá motaau mogaid kon soaḷ mita inta moraat.

MATIUS 11:25

Kon wakutu intua nosambayang in ki Yesus kai-Nia: “Akuoi in mopoyaput in sukur kon ini-Mu, Amá, Tuhan in ḷangit bo butá, sin bayongan intua binuni-Mu kon intau mita inta mobijaksana bo kon intau mopandoi, táe pinoponiata-Mu kon intau inta moyangkó.

AMSAL 16:22

Kobobijaksana in nobaḻí pangkoi in kopiaan kobiagan in intau mopia; intau bodok in rorigaan in bodoknea tontaní

HOSEA 14:9

Intau in Israel in moḷumbúbí kon patong mita berhalanea; mosia in ḷukadan-Kubí bo tubagan-Ku in sambayangnea. Naonda bo pangkoi in kayu inta umuran mobarong in daunnea, Oḻiungan-Kubí in mosia. Akuoibí in pangkoi in bayongan barakat monia. Akuoi, ki Tuhan, ain nosingog.”

AMSAL 10:13

Intau inta mopandoi in pororainea mopoyaput in tosingogon mita inta mobijaksana; intau bodok paraḷubí ḷubagon.

AMSAL 10:23

Intau bodok mopia in ginanea in mogaid kon moitaḷá; intau mobijaksana morajing motayak kon hikmat.