AMSAL 15:4 - Alkitab Singog In Mongondow Masa In Tanaa

⁴ Tosingogon mita inta mopia mokoroton kon gina, tosingogon mita inta moraat mokoinggamá kon ibog.

AMSAL 15:4 Referans Kwoze

AMSAL 12:18

Tongá kino singo-singognea in mokotompaḻí kon gina naonda bo turakon in pitow; tosingogon mita mobijaksana in naonda bo undam inta mokopia.

AMSAL 16:24

Tosingogon moḷukó notongkai in biluk; moromimit in korasaan bo mokosehat kon awak.

AMSAL 18:8

Moponapud tua in mopiabí in korasaan; intau moibog moḻiom kon tua.

MALEAKHI 4:2

Táe kon i monimu inta motoindudui kon i-Nakó, kawasa-Ku inta mokosaḷamat in momukábí naonda bo mata in singgai, bo sindarnea in mokoundam. Moiko in moiḷuatbí bo mopia in gina naonda bo ki adí in sapi inta bagu pinoḷuai kon ḷantung.

AMSAL 3:18

Intau inta kumadai motantú kon hikmat in mokouḻíbí kon kobiagan inta moitutui bo mosanang.

AMSAL 18:14

Popisí in ibog mobiag, intau in mokopotaanbí kon roriga; moinggamá in ibog tatua, moinggamá doman in bayongan kamang.

WAHYU 2:7

Ki ine in mokodongog, yo tarukiradon onu in pinoguman in Roho i Allah kon jamaat mita! Mosia inta mountung, ogoi-Ku mokaan kon bungai inta nongkon pangkoi in kobiagan inta nobiag kon taman i Allah.”

TIMOTIUS 1 6:3

Aka ki ine in motundú kon totundú tolaeng inta diá notongkai in totundú inta sinundú naton bo doí doman kon totundú mobanar inta nongkon i Yesus Kristus Tuhan naton, bo inta pinobayá in agama naton,

AMSAL 26:22

Moponapud in uboḷ tua in mopia in konanaman; mopiabí in gina in intau in moḻiom kon tua.

MAZMUR 109:22

Sin akuoi naa in nobogá bo nororiga, bo ginaku in kinekeban nodaḷom.

AMSAL 15:3

Ki Tuhan in nokoontongbí kon bayongan inta nobaḻí kon bayongan in tampat; Sia in noindoibí kon bayongan inta mopia bo inta moraat.

AMSAL 15:5

Intau bodok diá mopandung kon tonggina i amánea, intau mobijak mokidongog kon toboḷow.

AMSAL 10:11

Pososingog in intau mopia mokopoangoi kon kobiagan mopia, táe kon tosingogon mita in intau moraat noibuni in gina inta moromú.