AMSAL 15:23 - Alkitab Singog In Mongondow Masa In Tanaa

²³ Tosingogon mita inta siningog inta noitaná kon wakutunea, mokopoangoi kon sanang in gina.

AMSAL 15:23 Referans Kwoze

YESAYA 50:4

Ki Tuhan Inta Totok in moḷantud in notundú kon inakó nosingog, sinbá tosingogonku in mokoropot kon intau inta noḷungkoyó. Pomuḷoi in doḷo-doḷom pomuká-Nea in ibog in ginaku sin mokidongog kon totundú-Nea kon inakó.

EPESUS 4:29

Aka mosingog in moiko yo dika mosingog kon inta moraat, singogdon in onu inta mokobaraguna moginropot kon pirisaya bo singog mita tonggina inta motaau potuḷung kon intau ibanea. Sin singog mita inta baraguna in mokopoangoi kon kopiaan kon i monia inta mokodongog.

AMSAL 12:14

Batúan in intau mokouḻí kon tontuḻínea podudui in singog mita bo oaidnea; kon batúannea inogoian in boḻinea podudui in aidnea.

AMSAL 16:13

Tosingogon totuu in mokosanang kon mongongawasa, sia in motabibí kon intau inta mosingog mobanar.

AMSAL 24:26

Tubag inta moitugat in nobaḻí tomponuot kon yoyobayatan inta mopia.

MOHOHUTUBA 3:1

Bayongan in yagi-yagi kon dunia naa nobaḻí kon wakutu inta ain sinantú i Allah.

AMSAL 15:22

Tomayá diábí motudun, aka diá muna raion kopiaan; tomayá in kodapotan, aka umuran mononggina.

AYUB 6:25

Tosingogon mita inta motuḻid mokoonow kon gina, táe singogmu nion diá in bonunea, diá in mangaḻenea!

AMSAL 12:25

Ḻia-ḻiaw in gina mokoinggamá kon ibog mogaid, táe tosingogon mita mopia mokorigon kon gina.

AMSAL 16:24

Tosingogon moḷukó notongkai in biluk; moromimit in korasaan bo mokosehat kon awak.

YOHANES 1:37

Dinongog in murínea doyowa tatua in singognea tatua, dá minayá in taya dua dinumudui kon i Yesus.

YOHANES 11:29

Nokodongogmai kon tua, ki Maria bango-bangon, bo minayá nokipodungkuḷ kon i Yesus.