AMSAL 15:19 - Alkitab Singog In Mongondow Masa In Tanaa

¹⁹ Intau maḷat umuranbí koantugan in roriga; intau motuḻid in gina diábí moyodungkuḷ in roriga.

AMSAL 15:19 Referans Kwoze

YESAYA 35:8

Kon tua in oyúondon in daḷan moḷoben, “Daḷan mokosaḷamat” in tangoinea. Intau binaradosa in diábí moitaḻib kon tua, Intau bodok in diábí mopoḷaḻe kon intau inta tumaḻib kon tua.

YESAYA 30:21

Aka moiko bo tumabat nongkon daḷan, kon tumimu kodongogan in singog-Nea inta moguman, “Naa in daḷannea; pongin daḷan tanaa.”

AMSAL 22:5

Poyogaḷap bo tontoyaud in kon daḷanbí in intau motombogá; pokoyayúdon kon tua komintan aka iko moibog mosaḷamat.

AMSAL 26:13

Intau maḷat in moibogbí sinbá umuran kon baḷoi; sia in moguman, “Oyúon in singa kon ḷuai, dika-dika domokonnea in akuoi kon daḷan.”

AMSAL 22:13

Intau momaḷat moibog mogutun mako kon baḷoi; sia in moguman, “Oyúon in singa kon ḷuai, dika-dika bo domokonnea in akuoi kon daḷan.”

AMSAL 8:9

Kon inta mopandoi, tosingogonku in totuubí, kon intau moarip, tosingogonku in noitaná.

MAZMUR 27:11

Poontongdon kon inakó onu inta koibog-Mu, o Tuhan, kapitondon in akuoi kon daḷan inta notuḻid, sin musungku in totuu mobayong.

AMSAL 3:6

Toropbí in ki Tuhan kon bayongan in aidanmu, dá tundúon-Neabí in kobobiagmu inta mopia.

MAZMUR 25:12

Ki Tuhan in motundú kon intau inta mopirisaya in daḷan inta musti bayáan monia.

MAZMUR 5:8

Táe popisí in tabi-Mu inta moḷoben, akuoi in motaaubí tumuot kon bonu in Baḷoi-Mu. Dumokó in akuoi tumayow kon Baḷoi-Mu inta motusi, bo sumbáanku in Iko takin ḻimbatú in gina.

YESAYA 57:14

Oyúon in noguman, “Aidaidon bo sadiadon in daḷan kon umat-Ku, Posídon in bayongan in tuḷamboi.”

AMSAL 15:18

Intau inta motoyong tumorú mokopomuká kon bobayowan, intau inta mosabar modia kon dodamean.

AMSAL 15:20

Adí inta mobijaksana, mokosanang kon gina i amánea; adí inta mobodok diábí mohoromat kon i inánea.

AMSAL 6:6

Intau inta maḷat mustibí monaridi kon kobobiag in toyom bo mobalajar kon inia.

AMSAL 11:5

Daḷan kobiagan in intau mopia in tondodaionbí in ginanea inta motuḻid, táe intau moraat in modiabí kon awaknea mayá in korimumudan.