AMSAL 14:13 - Alkitab Singog In Mongondow Masa In Tanaa

¹³ Kon ḻikud in kosing degá oyúonbí in ombaḷ; ḷunganga in gina oyúonbí doman in imbuitan in robonoḷ in gina.

AMSAL 14:13 Referans Kwoze

MOHOHUTUBA 2:2

Nosadar in akuoi kon kosing tua in kabodokanbí bo kasanangan in diábí in baragunanea.

YAKOBUS 4:9

Musti in moiko totu-totuu momanasaḷ bo mongombaḷ poḷat mogamui; kosingmu in baḻídon ombaḷ bo ḷungangamu in baḻídon ajar in gina!

LUKAS 16:25

Táe ki Abraham in notubag, ‘Uḻe, toropdon adíku: iko aindon nokorasa kon bayongan inta mopira wakutu iko nobiagpa kon dunia, táe ki Lazarus naa in tongábí nokorasa kon bayongan inta diá mopia. Manangka intua tanaa mako sia in mokouḻí kon inta mopia kon naa. Yo iko in mokouḻí kon roriga.

MOHOHUTUBA 11:9

Paké kopia in wakutumu kon dodai in iko mobagupa! Pokosanangbí kon dodai in iko bagupa ede in tayowmobiag. Duduiaibí in bayongan ibog in dimukudmu, aidai in bayongan niat in ginamu. Táe pokotorop, ki Allah inta kon soroga, in monantúbí kon bayongan in oaidmu.

AMSAL 5:4

táe aka komintandon kinotaḷaban, yo inta kinotaḷáan in dongka bidon inta mopait bo roriga.

MOHOHUTUBA 2:1

Sinimpodkudon kon tongádon moposanang in gina sinbá monotaaudon kon onu in kopiaan. Táe noniata magí diábí doman in mangaḻe intua.