AMSAL 13:8 - Alkitab Singog In Mongondow Masa In Tanaa

⁸ Intau nooyúon musti mopoḷuai in doitnea sinbá moaman in kobiagannea; intau bogá noiḷuat nongkon gogondok.

AMSAL 13:8 Referans Kwoze

MATIUS 16:26

Onubí in baragunanea aka intau mokouḻí kon bayongan inta koibognea kon dunia naa, táe sia in matoi?

AYUB 2:4

Táe Ibilis in notubag,, “Dimukud bo awak mosehat in moḷobe-ḷoben in mangaḻenea nongkon kapunyaan. Intau in mokobaḻíbí in mobogoi kon bayongan kapunyaannea asaḷ bo umuran mobiag in sia.

ZEPANYA 3:12

Kon tua pomayá-Kudon mako in mogutun in tobatú bangusa inta moompá in dodia, inta mopongata in totuḷung-Ku. Mosia in motaaubí in mogutun kon tua.

YEREMIA 39:10

Tongobotak in rayat inta totok in nobiag bogá bo inta diá kokapunyaan, sinaḷáan kon Yohuda bo inogoian in gobá in anggur bo gobá in tudunea.

AMSAL 6:35

Diábí in sia motaau dondouḷugan in doit, tombuinag nákabí kobayong in onu yo diábí mokoonow kon torúnea.

DATU MITA 2 25:12

Táe tongosilai in rayat inta totok in mobogá bo inta diá kokapunyaan in sinaḷáannea kon Yohuda bo pinoki ḷukadannea in gobá in anggur bo gobá mita in tudunea.

DATU MITA 2 24:14

Ki Datu Yoyakhin, ki inánea, ki buḷoinea mita, pogawainea mita, bo itoi mita in Yohuda – kobayong monia komintan in 7.000 in intau inta ihoromat – dinomok bo dinia pinobayá in Babel. Noitakin doman in intau mita inta mopandoi mogaid bo mononontaḷ kobayongnea in 1.000 in intau, komintanbí intau mita inta moropot bo inta mongobarani moparang. Intau mita buí in datu, bo intau mita inta ihoromat in dinia doman minayá in pinoḷumbúan – kobayong monia tua in 10.000 in intau. Gogió bo bayongan in intau inta nogutun kon Yerusalem in dinia; inta kinotaḷáan in dongkadon rayat inta nobiag nobogá totok.

IḶUAIAN 21:30

Táe aka kitogi sapi tatua pinoki tobutan, yo sia in mustibí mobogoi kon tongonukabí in kobayong inta pinoigum sin potobut kon nyawanea.

AMSAL 13:7

Oyúon in tumangoi nooyúon, bokaka diá koonu bo onu; oyúon in ḷumabit nobiag bogá, bokaka nooyúon totok.

AMSAL 13:9

Intau mobanar naonda bo sindar inta motarang; intau moraat naonda bo togá nopiong.

AMSAL 14:24

Intau mobijaksana dinayow popisí in kabijaksanaannea, intau bodok ponango-nangoian popisí in kobobodoknea.

LUKAS 12:23

Sin mobiagbí in moponti-ponting in kaanon andeka awakbí in moponti-ponting in ḷambung.