AMSAL 13:7 - Alkitab Singog In Mongondow Masa In Tanaa

⁷ Oyúon in tumangoi nooyúon, bokaka diá koonu bo onu; oyúon in ḷumabit nobiag bogá, bokaka nooyúon totok.

AMSAL 13:7 Referans Kwoze

WAHYU 3:17

Moiko in mosingog: ‘Kami in nobiag nooyúon bo bayongan in yagi-yagi komintandon oyúon; diádon in nogaat kon i nami.’ Táe diábí kinotaauan monimu kon moiko nion in nobiagbí nomalarat totok, bo totok doman in mokoajar kon gina in kaadaan monimu nion! Moiko nion in nomasiking, diá koḷambu-ḷambung, bo bilog.

AMSAL 12:9

Maníka bo mobaḻí intau mointok inta oyúon in oaidan, dika in tumon intau inta moḷoben bokaka diá in kaanon.

AMSAL 11:24

Oyúon in intau moibog mobogoi, táe modugangbí mooyúon, oyúon in morinut, táe modugang mobiag mobogá.

KORINTUS 2 6:10

Umpakabí pinokuyang monia in gina nami, táe umuranbí moḷunganga in gina nami. Kami in koontongan nobiag nobogá, táe nobayongdon intau in binaḻí nami nooyúon. Koontongan kami diá kon onu bo onu, táe sabanarnea bayongan rupa-rupa oyúonbí kon i nami.

KORINTUS 2 4:7

Táe kaoyúonan inta mopia nongkon soroga tua in ná bí kon bonu in awak nami inta inaidan nongkon butá ḷamentong, sinbá moniatadon kon ropot moḷoben kon inami naa in nongkon i Allahbí, deemanbí nongkon inami tontaní.

PETRUS 2 2:19

Mosia tua in mopodandi in kasaḷamatan kon intau ibanea, bokaka mosia tontaní ain nobaḻí ki ata in oaid mita inta diá mopia inta mokogoguyaat kon intau. Sin aka tobatú intau bo sinaḷowdon in tobatú kawasa dá sia in mobaḻí bidon ata in kawasa inta nokotaḷow kon inia tua.

YAKOBUS 2:5

Toropdon, Utatku mita inta kinotabiku! Intau inta nobiag nobogá kon dunia naa, piniḻí i Allah mobaḻí intau inta mooyúon kon bonu in pirisaya. Intau mita tatua in mobaḻíbí anggota in umat i Allah ná inta pinodandi i Allah kon intau mita inta kinotabi-Nea.

LUKAS 12:21

Natua in mobaḻí kon intau inta moibog mooyúon bo rinut. Mosia in diábí moramuji bá mooyúon kon tayowon i Allah.”

AMSAL 13:11

Kaoyúonan inta nouḻí diá irorigaan in motoyongbí doman mogaat; táe kapunyaan inta piniḻim-piḻikmai sinipun in kodugang-kodugangbí.

WAHYU 2:9

Kinotaauan-Kubí in yoyiga mita monimu; Kinotaauan-Kubí kon moiko in nomasiking – táe sabanarnea moiko nion in nooyúonbí! Kinotaauan-Kubí doman in bayongan inta pinonapud kon i monimu i intau mita inta dumuí intau in Yahudi, bokaka deemanbí; mosia tua in dumoduduibí in Ibilis!

KORINTUS 1 4:8

Oobí kon diá bidon moparaḷu kon onu bo onu in moiko! Sin nooyúondon bo nobaḻídon datu in moiko! Yo kami in diá. Mopiabí totok aka moiko bo totu-totuudon nobaḻí datu, sinbá motaau in kami momarenta moyotakin monimu.

LUKAS 12:33

Potaḷuidon in bayongan kapunyaanmu bo ogoi kon intau mita bogá. Bo pogaid kon pototaguan kon kapunyaanmu inta diá mogogu-goguyaat, tuata in tobatú kapunyaan inta mononoi, diá koyaputan in mononakow bo inta diá kopoguyaatan in sisik.

LUKAS 12:20

Táe ki Allah in noguman kon inia, ‘Ei iko intau inta bodok! Doḷom doman naa iko in matoi, yo ki ine in pobogoianmu kon kapunyaan inta ain sinipunmu tanion?’

AMSAL 13:8

Intau nooyúon musti mopoḷuai in doitnea sinbá moaman in kobiagannea; intau bogá noiḷuat nongkon gogondok.