AMSAL 13:14 - Alkitab Singog In Mongondow Masa In Tanaa

¹⁴ Totundú in intau mobijaksana in naonda bo pangkoi in kopiaan; aka oyúon in mokoondok, totundú tatua in moposaḷamat.

AMSAL 13:14 Referans Kwoze

AMSAL 10:11

Pososingog in intau mopia mokopoangoi kon kobiagan mopia, táe kon tosingogon mita in intau moraat noibuni in gina inta moromú.

MAZMUR 18:5

Akuoi in iḻibudon in bodito mokopatoi, bo sinaḷomdon in ḷunud poyopú.

AMSAL 14:27

Motoguondok kon i Tuhan in mobaḻí pangkoi in kobiagan mopia; bo daḷan simimparut kon popatoi.

AMSAL 16:17

Intau mopia yumayúbí kon inta moraat; intau inta monaridi kon kobobiagnea, moḷukad kon awaknea.

MAZMUR 116:3

Akuoi in inindoyó in anib in popatoi; popatoi inta mokoondok ain nodomok kon inakó, dá akuoi in inangoian in ḻia-ḻiaw in gina bo moondok.

AMSAL 16:22

Kobobijaksana in nobaḻí pangkoi in kopiaan kobiagan in intau mopia; intau bodok in rorigaan in bodoknea tontaní

AMSAL 16:6

Intau inta tumoḷutui kon i Allah in ampunganbí; intau inta mopirisaya in moisimparutbí kon bayongan inta moraat.

AMSAL 15:24

Intau mobijaksana dumudui kon daḷan monakod inta mopobayá in kobiagan; deemanbí daḷan mosiḻig inta mopobayá in popatoi.

AMSAL 9:11

Hikmat in mobogoi in umur moḷanggó kon inimu.

SAMUEL 1 25:33

Dinayo-dayowdon in kabijaksanaanmu bo dinayo-dayowdon in iko tontaní sin ain nogimaḷow kon inakó moḻimod bo mobaḻídon hakim tontaní.