AMSAL 13:13 - Alkitab Singog In Mongondow Masa In Tanaa

¹³ Intau inta diá mopandung kon totundú i Tuhan, mopobodito kon awaknea tontaní; intau inta motoindudui kon hukum i Allah in motarimabí kon tontuḻínea.

AMSAL 13:13 Referans Kwoze

PINOGIAPAN 15:31

sin sia ain noḷawang kon i Tuhan bo sinumontuondon noḷawang kon parenta i Tuhan. Intau tatua minatoi sin popisí in taḷánea tontaní.

YOHANES 2 1:8

Sin tuamai, mokopoingat sinbá moiko in diá kobuḻian in onu inta ain iramuji nami sin kopontingan monimu. Poramujidon totok sinbá moiko in motarima kon tontuḻí in bayongan inta ain inaidanmu.

TAWARIKH 2 36:16

Táe mosia in nopoyambá in totabá mita i Allah tatua, bo kinosingan monia in nabi-Nea mita poḷat doman diá mopandungmai kon tosingogon-Nea mita. Imbuitnea ki Tuhan in sinumorúdon totok kon i monia dá diádon in daḷan ibanea kon i monia kon kotaḻiban in hukuman nongkon i-Nia.

MAZMUR 119:165

Intau inta moibog in hukum-Mu in moaman bo moodom, diábí in mokoḷamboi kon i monia.

YEHEZKIEL 20:13

Táe kon rawang in bungaion doman tatua noḷawang in mosia kon i-Nakó. Mosia in iḻimimpat kon parenta-Ku mita, bo nondoí kon hukum-Ku mita inta nopodandi kon intau mita inta umuran dumudui kon tua in mobiagbí. Mosia in totokbí in noporaa-raatmai kon singgai in Sabat. Tuamai, kon rawang in bungaion tatua nosadiadon in Akuoi mopoḷuai in torú-Ku kon i monia bo moyopú kon i monia.

MAZMUR 19:11

Hukum i Tuhan in kon ḻimonikanbí in buḷawan taakan, moromi-romimitbí nongkon biluk taakan.

YEHEZKIEL 20:16

Indoyó-Ku tatua in siningog-Ku popisí in mosia nonaḷámai kon parenta-Ku mita, iḻimimpat kon hukum-Ku mita bo noponajis kon singgai in Sabat. Mosia in moibo-ibogbí in mosumba kon berhala mita monia.

YEHEZKIEL 20:24

popisí in nonaḷádon in mosia kon parenta-Ku mita, iḻimimpat kon hukum-Ku mita, noponajis in singgai in Sabat bo umuran nosumba kon dewa mita inta sinumba in mogoguyang monia.

YESAYA 66:2

Dunia naa in ḻima-Ku tontaní in nomia, dá tua komintan in pinomia. Táe koibog-Ku in intau inta moompá in dodia, inta nomanasaḷ in nogaid kon dosanea mita, inta moondok bo inta motoindudui kon i-Nakó.

AMSAL 13:21

Intau binaradosa umuranbí batu-batukon mako in roriga intau mopia umuranbí motarima kon inta mokosanang.

AMSAL 1:25

Bayongan in tongginaku in diábí inindongogan monimu bo toboḷowku in diábí inabatan monimu.

MAZMUR 115:13

Sia in momarakatbí kon intau mita inta motoguondok, pinomayá mointok andeka moḷoben.

LUKAS 16:31

Táe ki Abraham in bui doman noguman kon inia nanaa, ‘Aka mosia tua bo diá mokidongog kon onu inta pinoguman i Musa bo i nabi mita, yo mangaḻenea mosia tua in diábí doman mopirisaya, umpakabí oyúon intau minatoi in bui mobiag bo mamangoi mobogoi in tompoingat kon i monia.’ ”

MALEAKHI 3:16

Bo intau mita inta moondok kon i Tuhan in mosigumanan, Ki Tuhan in nokodongog bo nonaridi kon onu inta siningog monia. Intau mita inta nohoromat kon i-Nia bo inta notoguondok kon i-Nia, pinais in tangoinea kon bonu in buk pomomaisan inta kon tayowon-Nea.

MATIUS 5:12

Koḷunganga bo kopiadon in gina monimu, sin moḷoben in mouḻímu kon soroga, sin nabi tungkuḷ intua in pinogutú doman monia natua.”

YEREMIA 43:2

Bo ki Azarya ki adí i Hosaya bo ki Yohanan ki adí Kareah takin bayongan in intau inta mododia tua in noguman kon inakó, “Mouboḷ in iko. Ki Tuhan Allah naton in diábí nopotabá kon inimu moḷamboi kon inami in mayá mogutun kon Mesir.

EZRA 10:3

Koḻigai in kita mongibot kon i Allah, kon kita in mopoguntunbí kon bayongan in bobay tatua takin adí mita monia. Kami in dumuduibí kon bayongan in tongginamu bo tonggina in intau mita ibanea inta nohoromat kon parenta i Allah. Kami in dumuduibí kon hukum i Allah.

IḶUAIAN 9:20

Tongonumai in pogawai mita moḷantud noondok kon tosingogon i Tuhan. Mosia in nodia kon ata mita bo bobiagon monia sinumuot kon bonu in baḷoi sinbá koḷukadan.

AMSAL 13:12

Aka kamang diá intompodan, mororiga in gina; aka ibog kinodapotan, mosanang in gina.

AMSAL 19:16

Intau inta dumudui kon parenta mita i Allah in mosaḷamat, intau inta diá mopandung in matoibí.

MAZMUR 19:12

Mogogundoi-Mu naa in bagupa inogoian in tompoingat in bayongan tatua; bungai in pinogaidan sinadia kon intau inta notoindudui kon tua.

AMSAL 16:20

Taridi in onu inta ain sinundú kon inimu, dá iko in mokouḻíbí kon onu inta mopia. Popirisaya kon i Tuhan, dá mosanangbí in iko.