AMSAL 12:7 - Alkitab Singog In Mongondow Masa In Tanaa

⁷ Intau moraat in moḷabúbí bo moyopú takin diá in paḷotnea; táe intau mopia in umuranbí moroton modapot in adí bo ompu.

AMSAL 12:7 Referans Kwoze

AMSAL 11:21

Intau moraat in notantú bidon kon hukumon; intau mopia in mosaḷamatbí.

AMSAL 10:25

Aka deḷang mondangat, moyopúdon in intau moraat; táe intau inta motuḻid in gina in umuranbí moroton.

AYUB 11:20

Táe intau moraat in moindoibí takin motoboḻingo, sin kon i monia in diábí in totuḷung. Totobatú in kamang monia tuata in popatoi ḷagidon moiangoi.”

ESTER 9:14

Bo ki datu in nobogoi in parenta mogaid kon onu inta pinoigum i Ester; surat parenta kon kotá in Susan pinoḷuaidon bo mayat i adí i Haman taya mopuḷú tua in binambé.

SAMUEL 2 7:26

Kon ondakabí in intau umuranbí mopoḷantud in tangoi-Mu bo moguman, ‘Ki Tuhan Inta Totok in Mokawasa in ki Allahbí in Israel.’ Dá kon kinoouputbí in dunia naa intau tobatú nongkon buíku in momarentabí mobaḻí datu kon bangusa tanaa.

SAMUEL 2 7:16

Iko in umuranbí mokouḻí kon buí, bo baḻíon-Kubí in dodatuanmu tantú moisindog mako. Kinoouputbí in dunia naa intau tobatú nongkon buímu in momarenta mobaḻí datu.’ ”

AMSAL 15:25

Ki Tuhan in mogumpagbí kon baḷoi in intau inta motosiḷantud, táe butá in intau boba-bobay ḷukadan-Nea.

AMSAL 14:11

Baḷoi in intau mopia umuranbí moroton; baḷoi in intau moraat in moumpagbí.

AMSAL 14:1

Tonibuḷoi in pinosindog dinoyon kon kobobijaksana in bobay, táe irumbun in kobobodoknea.

MAZMUR 37:10

Intau moraat in ḷagibí moinggamá, aka tayakon, yo diá bidon in sia.

AYUB 34:25

Sin, kinotaauan-Nea onu in inaidan monia; dá dinudú-Nea bo irimumud in mosia kon dodai in doḷom.

AMSAL 12:8

Intau dayowon podudui in kobobijaksananea; intau in singkuḻeon podudui in dondunguḷnea.