AMSAL 12:25 - Alkitab Singog In Mongondow Masa In Tanaa

²⁵ Ḻia-ḻiaw in gina mokoinggamá kon ibog mogaid, táe tosingogon mita mopia mokorigon kon gina.

AMSAL 12:25 Referans Kwoze

AMSAL 16:24

Tosingogon moḷukó notongkai in biluk; moromimit in korasaan bo mokosehat kon awak.

AMSAL 15:13

Gina mosanang mokotarimbuka kon pogot; gina inta morobonoḷ in mokoḷungkoyó.

AMSAL 17:22

Gina inta mosanang in mokosehatbí kon awak; gina molamurú mokoinggamá kon ibog.

YESAYA 50:4

Ki Tuhan Inta Totok in moḷantud in notundú kon inakó nosingog, sinbá tosingogonku in mokoropot kon intau inta noḷungkoyó. Pomuḷoi in doḷo-doḷom pomuká-Nea in ibog in ginaku sin mokidongog kon totundú-Nea kon inakó.

AMSAL 15:23

Tosingogon mita inta siningog inta noitaná kon wakutunea, mokopoangoi kon sanang in gina.

ZAKHARIA 1:13

Ki Tuhan in notubag kon malaekat tatua takin tosingogon mita inta moḻipoi,

AMSAL 12:18

Tongá kino singo-singognea in mokotompaḻí kon gina naonda bo turakon in pitow; tosingogon mita mobijaksana in naonda bo undam inta mokopia.

AMSAL 27:9

Ná doman ḷana mobondu bo inta bo mongobondu ibanea mako mokosanang kon gina, natua doman in kopopia in yobayat mokoonow kon gina.

MAZMUR 42:11

Morimumudon totok in ginaku popisí in rebeg in musung. Mosia in tantúbí moḻibó, “Kon onda in ki Allahmu?”

AMSAL 18:14

Popisí in ibog mobiag, intau in mokopotaanbí kon roriga; moinggamá in ibog tatua, moinggamá doman in bayongan kamang.

AMSAL 25:11

Bonu in raian inta pinoposingog noitongkaná kon wakutunea in naonda bo bungai in buḷawan kon bonu in pindan saḷaka moḷoben.

MAZMUR 38:6

Kekebku mita in nonombobogdon bo nobongkogdon, popisí in sinumon bodokdon in akuoi.

AMSAL 15:15

Intau inta molamurú mako musti tantú rumopot kon bonu in kobiagannea, táe inta mokosing mako umuranbí mosanang.

AMSAL 14:10

Ḷunganga andeka robonoḷ in gina in noinonombí kon bonu in dodob; intau ibanea in diábí moitakin mokorasa kon tua.

AMSAL 12:26

Intau mopia in mopia-pia in kobiagannea nongkon topodiugnea; intau moraat moiḷaḻe popisí in aidnea moraat.

AMSAL 15:30

Pogot mosanang mokoḷunganga kon gina, habar inta mopia mokoundam kon gina.