AMSAL 12:21 - Alkitab Singog In Mongondow Masa In Tanaa

²¹ Intau mopia in diábí kotugatan in bodito; intau moraat in umuranbí kotugatan in yoyiga.

AMSAL 12:21 Referans Kwoze

PETRUS 1 3:13

Ki inebí i moibog mopoaid in moraat kon inimu, aka mosanangbí in gina monimu mogaid kon inta mopia?

MAZMUR 91:10

Dá iko in diábí kotugatan in bodito, baḷoimu in diábí kotugatan in anib.

SURAT I PAULUS KON JAMAAT RUM 8:28

Kinotaauanbí naton kon ki Allahbí in nonoinut kon bayongan yagi-yagi, sahingga in mokopoangoi kon onu inta mopia kon intau mita inta motabi kon i-Nia bo inta inoiní-Nea podudui in tomayá-Nea.

AMSAL 1:31

Tuamai, korasaanbí monimu in bungai in aidmu mita bo tomayámu mita inta moraat.

WAHYU 18:6

Tuḻíaidon kon inia naonda in pinogogaidnea kon i monimu; tuḻíaidon kodoyowa noguntuḷ kon inia in bayongan inta ain inaidannea. Bonuaidon palonea in oinumon inta kodua noguntuḷ in koboilnea nongkon oinumon inta ain sinadianea kon i monimu.

HABAKUK 2:16

Yo tanaa in noiyaputdon in wakutumu pokopooyáanmai, bo deemanbí horomaton. Kahoromatanmu in mobaḷui mobaḻí kohohina. Ki Tuhan in momakisa kon inimu monginum nongkon palo inta bonunea in hukuman kon inimu. Iko in monginumbí bo moipape magí mako.

AMSAL 14:14

Intau moraat in motarimabí doman kon bungai in aidnea moraat, intau mopia in motarimabí doman kon bungai in aidnea mopia.

KORINTUS 2 4:17

Sin yoyiga inta diá mobogat totok naa, inta tantú korasaan nami tanaa in mobogoibí in kopiaan mononoi, moiḻiu kon rupa-rupa roriga inta kinorasaan nami tontaní.

MAZMUR 121:7

Ki Tuhan in moḷukadbí kon inimu nongkon anib, Sia in moḷukad kon inimu sinbá kobiaganmu in mosaḷamat.

AMSAL 1:33

Táe intau inta mokidongog kon inakó in koḷukadanbí. Sia in mobiagbí moaman bo diá bidon moondok.”

AMSAL 12:20

Intau inta monomayá kon inta moraat in moibogbí in aid diá moadil; intau inta moḷongasi kon inta mopia in mosanangbí.

AMSAL 19:23

Horomatbí in ki Tuhan, dá mosanang in kobiaganmu; mopuasbí in iko bo moiyayú kon bodito.

MOHOHUTUBA 8:5

Intau inta motoindudui kon inia, in moaman bo mobiag motompia; intau inta moarip in monotaaubí mongo toonu bo naonda in dumudui kon i datu.

AMSAL 11:21

Intau moraat in notantú bidon kon hukumon; intau mopia in mosaḷamatbí.

MOHOHUTUBA 7:18

Pokoyayú kon doyowa inta koina. Aka kita motoguondok kon i Allah, yo notantú bidon kon kodapotan naton in onu inta sinayak.