AMSAL 12:15 - Alkitab Singog In Mongondow Masa In Tanaa

¹⁵ Intau dondunguḷ in diábí mokoimontanmai in monotaau kon sia in noitaḷá, táe intau mobijaksana moibog mokidongog kon tonggina.

AMSAL 12:15 Referans Kwoze

AMSAL 3:7

Dikabí kainimu kon iko in mopando-pandoi nongkon inta sabanarnea; pokotoindudui kon i Tuhan bo pokopoyayú kon inta moraat.

AMSAL 19:20

Aka iko moibog mobalajar bo mokidongog kon tonggina, yo kon singgai moiduduimai iko in mobaḻí intau inta kohikmat.

AMSAL 14:16

Intau mopia in umuranbí mokopoingat bo yumayú kon inta moraat, intau bodok in tumorú totok, bo mokorasa kon moaman.

AMSAL 14:12

Oyúon in daḷan inta koontongan in motuḻid, táe imbuitnea daḷan tatua in modiabí kon popatoi.

AMSAL 1:5

Pongin tonggina mita tanaa intau mobijaksana in modugang doman in totaaunea, bo intau inta ain notaau in kapiton doman.

AMSAL 26:12

Intau inta totok in bodok in mopia-piabí kon intau inta tumangoi mopandoi.

AMSAL 16:25

Oyúon in daḷan koontongan in motuḻid, táe imbuitnea daḷan tatua modia mayá in popatoi.

AMSAL 16:2

Bayongan aid in intau degá mopiabí in ontongonnea tontaní, táe ki Tuhanbí in noindoimai kon bonu in ginanea.

GALATIA 6:3

Aka tobatú intau bo nosangka kon sia tua intau moponting, bokaka diábí, yo sia in nonguboḷdon kon inia tontaní.

AMSAL 9:9

Aka intau mobijak tongginaanmu, yo modugang mobijaksana in sia. Bo aka intau inta motoindudui kon i Allah tundúonmu, yo modugang motaau in sia.

AMSAL 21:2

Bayongan aid in intau degá mopiabí in kon bonu in raiannea tontaní, táe ki Tuhanbí in moindoi kon makusud in ginanea.

LUKAS 18:11

Intau in Parisi tatua in sinimindog sinumontaní bo nosambayang, kon bonu in ginanea nanaa, ‘O, Allah, akuoi in mopoyaput in sukur kon ini-Mu, sin akuoi in diá ná intau ibanea modunia, diá moadil, moibog monuaḻing, bo diá kototabi kon tumpaḷa intau. Bo akuoi in diá doman ná intau mononagi kon pajak tatua.

AMSAL 30:12

Oyúon in intau in tumangoi motusi in sia bokaka totokbí in moromú in sia.

AMSAL 28:11

Intau nooyúon umuran morai kon sia in mobijaksana, táe intau bogá inta mopia in kotaauanneabí mongo ki ine in sia tua.

MOHOHUTUBA 4:13

Intau nomasiking motaaubí in mobaḻí datu, bo intau inta pinonjara motaaubí momamping kon ḷoḻitúan in datu. Táe aka kon kogoguyangandon yo datu tatua in mobodokdon in motarima kon tonggina, dá siadon morori-roriga kon tayow mobiag inta nobogá táe mopandoi.

AMSAL 26:16

Intau maḷat in monganggap kon siabí in motaa-taau nongkon intau pitu inta moitutui in pinototubag.

AMSAL 13:1

Adí moarip in mokidongogbí in aka tongginaan i amánea; intau moḷoḷatú in doíbí toboḷowon.

AMSAL 13:10

Ḷoḷatú tongábí mokopopisí kon porogenggengan; intau inta mobijaksana moibog motarima kon totundú.