AMSAL 12:14 - Alkitab Singog In Mongondow Masa In Tanaa

¹⁴ Batúan in intau mokouḻí kon tontuḻínea podudui in singog mita bo oaidnea; kon batúannea inogoian in boḻinea podudui in aidnea.

AMSAL 12:14 Referans Kwoze

AMSAL 13:2

Tosingogon in intau mopia mokopoangoi kon kauntungan; intau inta diá motuḻid in gina moibog kon aid moromú.

MAZMUR 63:5

Kinoouput in kobiaganku akuoi mopoyaput in sukur kon ini-Mu; tonggóonku in ḻimaku kon ini-Mu poḷat mosambayang.

AMSAL 15:23

Tosingogon mita inta siningog inta noitaná kon wakutunea, mokopoangoi kon sanang in gina.

MATIUS 16:27

Diádon moonggot bo ki Adí Intau takin malaekat-Nea mita in mamangoi takin kawasa i Amá-Nea. Kon dodai intuata Sia motuḻidon kon pomuḷoi in intau podudui in oaidnea.

IBRANI 11:26

Irai Musa kon diábí nongonu in singkuḻeon sin mopirisaya kon i Datu Mopoposaḷamat inta pinodandi i Allah dika in mokouḻí kon bayongan kapunyaan kon butá in Mesir, sin iharap mako i Musa tua in kapunyaanbí kon singgai moiduduimai.

IBRANI 2:2

Sin koyow mita inta pinoyaput in malaekat mita kon mogoguyang naton in totuubí in nouḻí magí. Intau mita inta diá dinumudui bo inta doí nopoaid in koyow tatua, mokouḻíbí kon hukuman podudui in oaid monia.

AYUB 34:11

Sia in mohukum kon intau podudui in aidnea, mopoaid kon inia podudui in dodianea.

AMSAL 1:31

Tuamai, korasaanbí monimu in bungai in aidmu mita bo tomayámu mita inta moraat.

AMSAL 14:14

Intau moraat in motarimabí doman kon bungai in aidnea moraat, intau mopia in motarimabí doman kon bungai in aidnea mopia.

AMSAL 19:17

Motuḷung kon intau bogá notongkaibí in nopoḷuan kon i Tuhan; bain ki Tuhan doman in motuḻí kon tua.

AMSAL 24:12

Motaaubí in iko moguman, “Tua in deemanbí totaauku.” Táe ki Allah in noindoi mako kon inimu. Kinotaauan-Neabí bo adilon-Nea in raianmu. Sia in motuḻí kon intau podudui in aidnea.

HOSEA 4:9

Dá moiko in mororigabí naonda bo rayat! Hukumon-Kubí in moiko podudui in oaid monimu.

AMSAL 5:22

Dosa in intau moraat in naonda bo poyogaḷap inta modomok kon intau tatua.

YEREMIA 17:10

Akuoi, ki Tuhan monaridi kon gina, bonu in dodob in intau ujion-Ku kon batúan in intau tuḻían-Ku podudui in dodianea, bo aidan-Ku podudui in oaidnea.”

YEREMIA 21:14

táe Akuoi in mohukumbí kon inimu popisí in oaidmu. Komaḻigmu in turubonkubí, bo bayongan in yagi-yagi kon diugnea in mopokakbí doman. Akuoi, ki Tuhan, ain nosingog.”