AMSAL 11:7 - Alkitab Singog In Mongondow Masa In Tanaa

⁷ Aka intau moraat matoi, kamangnea in matoibí domandon; mopongata in ropot tontaní in diá in mangaḻenea.

AMSAL 11:7 Referans Kwoze

AMSAL 10:28

Kamang in intau mopia mokopobaḻí kon inia mosanang; kamang in intau moraat diá in batainea.

AYUB 11:20

Táe intau moraat in moindoibí takin motoboḻingo, sin kon i monia in diábí in totuḷung. Totobatú in kamang monia tuata in popatoi ḷagidon moiangoi.”

AMSAL 14:32

Intau moraat moyopú popisí in aidnea moraat, intau mopia ḷukadan in aidnea inta motuḻid.

MAZMUR 146:4

Aka mosia matoi, mosia in buibí mobaḻí butá; singgai doman tatua bayongan in tomayá monia modait.

YEHEZKIEL 28:9

Yo, aka moiangoidon in wakutunea tatua, mokopogumanpa degá in iko kon iko in ki Allah? Kon tayowon in moḷoḻimodmu mita, moniatadon kon iko in tongábí intau ilo-ilow.

MAZMUR 112:10

Intau moraat nokoontong kon tua bo sinumorú; mosia in noporokokot in bagang popisí in nondoí. Bo noyopú in mosia; kamang monia in noinggamá nodapot in mononoi.

AMSAL 11:8

Intau mobanar in moisimparutbí kon roriga; intau moraat in moyodungkuḷbí in tongkuḷabot.

AMSAL 10:29

Ki Tuhan in moḷukad kon intau motuḻid in gina, táe moyopú kon intau inta mogaid kon inta moraat.