AMSAL 11:6 - Alkitab Singog In Mongondow Masa In Tanaa

⁶ Intau mojujur in mosaḷamat popisí in kototuḻid in ginanea; intau inta diá motaau pirisayaan, in moiḷosok kon kototuránea.

AMSAL 11:6 Referans Kwoze

MOHOHUTUBA 10:8

Ki ine in mongaḻi kon bubú, yo siabí in moiḷabú bui kon bonunea; ki ine in ḻimimpat kon sigad yo tobakon in uḷag mobisa.

AMSAL 5:22

Dosa in intau moraat in naonda bo poyogaḷap inta modomok kon intau tatua.

DATU MITA IMITÁNEA 2:44

Kinotaauanmubí totok in bayongan aidmu moraat kon i amáku. Tuamai ki Tuhan in mohukumbí kon inimu,

KINOBAḺIAN 31:37

Tanaa, naonda in noḷekai kon bayongan barangku, yo oyúon degá in nouḻímu in barang kapunyaanmu? Poḷuaidon in barang tatua bo ukatdon kon naa, sinbá intauku mita bo intaumu mita mokoontongdon bo monantúdon mongo ki ine in kon sigad naton in mobanar.

KINOBAḺIAN 30:33

Kon singgai moiduduimai kotaauanmudon mongo akuoi in nojujurdon nogaid. Aka iko mamangoi bo moindoi kon tondan in pinogaidanku, bo mokoontong kon oyúon in bembé inta diá notudi-tudik ande nobaḷam-baḷang, ande domba inta diá norondí, yo kotaauanmudon kon biag tatua in sinakowku.”

HAKIM MITA 20:41

Bo kon dodai doman intua tontara mita ḷontú in Israel nomurowdon bo nonubu, dá tontara in Benyamin mita tatua noḻingúdon sin kinotaauandon monia kon taḷowondon in mosia.

MAZMUR 9:15

sinbá akuoi in modayow kon ini-Mu kon tayowon in intau mita in Yerusalem. Akuoi in monggoḷakapbí takin pia in gina sin Iko in noposaḷamat kon inakó.

AMSAL 11:9

Pongongumanan in intau moraat in mokoyopú; hikmat in intau mopia in mokosaḷamat.