AMSAL 11:22 - Alkitab Singog In Mongondow Masa In Tanaa

²² Koḷunat in bobay inta diá mopia notongkai in sising buḷawan kon tunggi in boké.

AMSAL 11:22 Referans Kwoze

AMSAL 31:30

Pogot inta motaingkat diábí motaau pirisayaan, bo pogot moḷunat in moinggamábí; táe bobay inta motoindudui kon i Tuhan in patusbí dayowon.

AMSAL 9:13

Kobobodok in naonda bo bobay inta mounsingog inta diá kopongalaman bo diá kooyá.

AMSAL 7:10

Bobay tatua in bobay inta diá motantú in mogutun kon baḷoinea. Topi-topí kon bingkí in daḷan in sia, onda intua kon rawang, andeka simindog mogoḷat kon poyotangaan in daḷan. Dodianea in mobarani bo diá oyáan. Inontongku in sia iḻumuai nogiḷambung naonda bo sundaḷ, bo nokipodungkuḷ kon tayowmobiag tatua takin tomayá inta moraat.

PETRUS 2 2:22

Singog moiduduimai naa noyokaan totok in oaid monia tua, “Ungkú mokaanbí bui kon totukanea, bo boké inta ain ininggúan kinodarit buibí doman in sia mayá ḷumobong kon bonu in yoná.”

KINOBAḺIAN 24:47

Onda intua akuoi in noḻibó, ‘Ki ine in ki amámu?’ Bo sia in notubag, ‘Ki amáku ki Betuel, ki adí i Nahor bo i Milka.’ Bo pinopopakéankudon in ḷambá buḷawan kon ngiungnea bo iḷutudanku domandon in ḻingkit kon ḻimanea.

AMSAL 11:21

Intau moraat in notantú bidon kon hukumon; intau mopia in mosaḷamatbí.

AMSAL 12:4

Buḷoi bobay inta mopia in mokosanang kon i buḷoinea ḷoḷaki, buḷoi bobay inta nokopooyámai kon i buḷoinea in naonda bo panyaki in tuḷan inta mongaratmai.