AMSAL 11:19 - Alkitab Singog In Mongondow Masa In Tanaa

¹⁹ Ki ine in umuran mosatia mogaid kon inta mopia, in mokouḻíbí kon kobiagan mosanang; ki ine in diá umukat kon aid moraat yo mopobayá in popatoi.

AMSAL 11:19 Referans Kwoze

AMSAL 10:16

Aka mogaid kon inta mopia, yo tontuḻínea in kobiagan mosanang; aka mogaid kon dosa, yo bungainea in modugang mobayong in dosa.

AMSAL 19:23

Horomatbí in ki Tuhan, dá mosanang in kobiaganmu; mopuasbí in iko bo moiyayú kon bodito.

AMSAL 12:28

Intau inta dumudui kon daḷan inta noitutui in mobiagbí mosanang; intau inta dinumudui kon daḷan inta moraat mopobayá in popatoi.

AMSAL 8:36

Ki ine in diá mokouḻí kon inakó, moporugimai kon inia tontaní; intau inta doí kon inakó, moibog in popatoi.”

YOHANES 1 3:10

Naabí in nokoyoposi kon sigad in adí mita i Allah bo adí mita in Ibilis. Ki ine in diá mogaid kon onu inta kinoibog i Allah, andeka diá motabi kon i utatnea, sia tua in deemanbí ki adí i Allah.

YOHANES 1 3:7

Adíku mita, dika moibog in moiko poyayingon i inekadon. Sin intau inta nogaid kon onu inta kinoibog i Allah, mosia tuata in ki adí mita i Allah ná doman onda bo ki Kristus inta ki Adí i Allah.

SURAT I PAULUS KON JAMAAT RUM 6:23

Sin aka bungai in dosa tua in popatoibí, táe kobiagan mopia bo mononoi in moyotakin i Kristus Yesus, Tuhan naton, tua in inogoibí i Allah pinomorosen.

OUMAN IN RASUL MITA 10:35

Intau kabí nongkon onda, asaḷ bo moibog in mogaid kon inta kinoibog-Nea, yo tuabí in kinosanang in gina-Nea.

AMSAL 11:4

Aka tumayowdon kon popatoi, yo kapunyaan in diá bidon in mangaḻenea; mosaḷamatbí in iko aka motuḻid in ginamu.

YAKOBUS 1:15

Moiduduimai kon tua, aka ibog inta moraat tatua bo duduian, dá mobaḻídon in oaid inta diá mopia; bo aka aid diá mopia tatua bo moguyangdon, dá popatoi in bungainea.

AMSAL 21:16

Intau inta diá dinumudui kon kobobiag inta mopia, notantúbí kon modapot in dunia in intau minatoi.

ULANGAN 16:20

Moiko in mustibí umuran mokopoadil, sinbá umuran motaau mogutun bo mobiag motompia kon butá inta inogoi i Tuhan Allahmu kon inimu.

DATU MITA 2 1:4

Potaau kon i datu kon ki Tuhan in noguman nanaa, ‘Iko in diábí mopia, matoibí in iko!’ ” Naonda in inaidan mako i Elia in parenta i Tuhan tatua,

DATU MITA 2 1:16

Bo ki Elia in noguman kon i datu, “Ki Tuhan in noguman, ‘Iko in nopotabá in intau nopoigum in topotundú kon i Baal-Zebub dewa in kotá in Ekron naonda bo kon Israel in diá in Allah inta motaau poḻibóan. Tuamai iko in diábí mopia, iko in matoibí!’ ”

AMSAL 21:21

Ki ine in umuran mopobayá in inta moadil bo totabian, yo mokouḻíbí kon kobiagan motompia, kahoromatan bo umur moḷanggó.