AMSAL 10:7 - Alkitab Singog In Mongondow Masa In Tanaa

⁷ Monanob kon intau mopia in mobaḻíbí barakat, táe intau moraat in baḷúdon koḻiongan.

AMSAL 10:7 Referans Kwoze

MAZMUR 112:6

Intau mopia in umuranbí mokouḻí; sia in umuranbí toropon modapot in mononoi.

LUKAS 1:48

Sia nokotorop kon inakó, bobantung inta nobogá! Pinangkoi kon tanaa mako bayongan in intau moguman kon akuoi in totok mosanang.

MARKUS 14:9

Pirisayadon singog-Ku! Kon dunia naa, kon ondakabí in popohabaran in Habar Mopia nongkon i Allah, yo aid in bobay tanaa in umuranbí domandon oumanon sin monorop kon inia.”

MAZMUR 109:13

Biódon mako in bayongan in buínea yopúon, bo tangoinea in ḻiongondon in intau moiduduimai.

TAWARIKH 2 24:16

Iḷobong in sia kon poḷoḷobongan kon datu mita kon Kotá i Daud sin mohoromat kon onu mita inta ain inaidannea kon i Allah, kon Baḷoi Tuhan bo kon umat in Israel.

MAZMUR 109:15

Biódon mako in dosa monia umuran kotoropan i Tuhan, bo diábí in monanob kon i monia kon butá.

AYUB 18:17

Sia in diá bidon kinotaauan kon bonunea andeka kon ḷuai in kotá; diá bidon in tobatúmai in intau in nokotoropa kon tangoinea.

DATU MITA 2 19:34

Kotá in Yerusalem in tuḷungan-Kubí bo ḷukadan-Ku sin moḷukad kon tangoi-Ku bo podoyon doman kon dodandian-Ku takin in mogogundoi-Ku ki Daud.’ ”

DATU MITA IMITÁNEA 11:36

Tongá tongosuku in pomayá-Kubí mako kon inia, sinbá umuran oyúon in intau tobatú nongkon buí in mogogundoi-Ku ki Daud inta momarenta kon tayowon-Ku kon Yerusalem, kotá inta ain piniḻí nobaḻí tampat posumbaan kon i-Nakó.

MOHOHUTUBA 8:10

Nokoimontan inontongku in intau moraat minatoi bo iḷobong. Táe kon dodai in intau mita nobui nongkon pinoḷobongan kon inia, mosia in nodayow kon inia kon kotá inta pinogaidannea kon inta moraat. Dá, tua in diábí doman in mangaḻenea.

AYUB 27:23

Kinoḷabúannea sinomu ginoḷokapan in intau; kon bayongan tampat siningkuḻe in sia.”

YEREMIA 17:13

Tuhan, Ikobí in inandoḷan in Israel, umat-Mu; Bayongan inta nonaḷámai kon ini-Mu in mooyábí. Mosia in moinggamábí nongkon dunia naa bo mayá in dunia in intau minatoi. Sin, Iko in bokaká in tubig kobiagan in sinaḷáandon monia, o Tuhan.

TAWARIKH 2 32:33

Ki Hizkia in minatoi, bo iḷobong kon potakodan kon butá inta poḷoḷobongan kon datu mita. Bayongan in rayat in Yohuda bo Yerusalem nohoromat totok kon inia kon tungkuḷ in sia minatoi. Ki Manasye ki adínea ḷoḷaki in nobaḻí datu nomaḷui kon inia.

AYUB 24:20

Ki inánea tontaní in nokoḻiongdon kon inia, bo oḷuasi mita mongarat kon awaknea. Tangoinea in diá bidon toropon bui; sia in iyompat naonda bo pangkoi in kayu inta noumpag.

MAZMUR 34:16

Ki Tuhan in monaridi mako kon intau inta motoḷutui, Sia in mokidongog aka mosia mokuani mokituḷung.

AMSAL 22:1

Tangoibí mopia in mopia-pia in kaoyúonan inta mobayong; kotabibí in intau in mopia-pia in ogoian saḷaka bo buḷawan.

YESAYA 14:22

Ki Tuhan inta Totok in mokawasa noguman, “Akuoi in monububí kon Babel bo monginggamá kon inia. Diábí tobatúmai in posaḷamaton-Ku, nodapot in mongoadí mita diábí pomayá-Ku mako in mobiag. Akuoi, ki Tuhan ain nosingog.

MAZMUR 34:17

Táe intau inta mogaid kon moraat in doíon-Nea; aka matoi in mosia yo baḷú koḻiongan.

MAZMUR 41:5

Gumanku, “Akuoi in binaradosadon kon ini-Mu, o Tuhan, kotabipa kaasí in akuoi bo undamaipa in akuoi.”