AMSAL 10:6 - Alkitab Singog In Mongondow Masa In Tanaa

⁶ Intau mopia in mokouḻíbí kon barakat. Aid moromú noibuni kon tosingogon mita in intau moraat.

AMSAL 10:6 Referans Kwoze

ULANGAN 28:2

Duduiai in ki Tuhan Allahmu, dá bayongan barakat tanaa in ogoibí kon inimu:

AMSAL 28:20

Intau motuḻid in gina barakatanbí i Tuhan, táe intau inta moibog ḷagi mooyúon, diábí kotaḻiban in hukuman.

AMSAL 24:25

Táe hakim inta mohukum kon intau kotaḷá in mosanangbí bo horomaton.

AMSAL 10:11

Pososingog in intau mopia mokopoangoi kon kobiagan mopia, táe kon tosingogon mita in intau moraat noibuni in gina inta moromú.

AYUB 29:13

Akuoi in dinayow in intau inta totok in mosusa, sinuḷunganku in intau mita inta dongka boba-bobay dá nobiag notompia in mosia.

SURAT I PAULUS KON JAMAAT RUM 3:19

Tanaa, kinotaauandon naton kon bayongan inta pinais kon bonu in hukum agama Yahudi, pinomakusudbí kon intau mita inta nobiag dinumudui kon hukum tatua. Tuamai in diábí tobatúmai intau in motaau mobogoi in alasan onu, bo bayongan intau kon dunia naa in motaaubí tuntuton i Allah.

AMSAL 11:26

Ki ine in momontuyung in odi-odianmai in intau, táe intau inta mopotaḷui intua yo sia tua in dayowonbí.

MAZMUR 107:42

Intau motuḻid in mokoontong bo mopia in gina, táe intau moraat in sinukuman.

ESTER 7:8

Takin kinobuḻian in kamang ki Haman inumuḻid kon ḷoḻitúan i Ester sin mopoigum in ampung, táe noitongkanádon kon tua ki datu namangoidon bui nongkon taman in komaḻig. Nokoontongmai kon aid i Haman natua, ki datu in nomaḷú, “Onu? Mokobaḻípa doman in sia modomok kon i bokí kon naa, kon tayowonku bo kon komaḻigku tontaní?” Dá naonda in tosingogon mita tatua siningog i datu, pojabat mita in namangoi bo nongoḷubung kon uḷu i Haman.

AMSAL 10:5

Intau mobijaksana in mosipunbí kon bungai in boyónea kon semponea, táe intau inta tongá mosiug kon sempo in posipunan kon bungai in boyó, mokopooyábímai kon inia tontaní.

OBAJA 1:10

“Noḻingádon in pinogogaidmu kon i utatmu mita buí i Yakub. Tuamai in yopúon in iko, bo singkuḻeon in intau modapot in kopaḷutannea.

AMSAL 3:33

Ki Tuhan in mongutuk kon baḷoi in intau moraat, táe momarakatbí kon baḷoi in intau inta motoindudui kon i-Nia.

YESAYA 3:10

Ki Tuhan in noguman, “Poyaputdon kon intau inta motoindudui kon i-Nakó kon mosia in mopiabí bo mosaḷamat. Mosia in mokaanbí kon bungai in siniḷopíannea.