AMSAL 10:4 - Alkitab Singog In Mongondow Masa In Tanaa

⁴ Intau maḷat in mobaḻíbí mororiga; intau inta morajing in mobaḻíbí mooyúon.

AMSAL 10:4 Referans Kwoze

AMSAL 21:5

Tomayá in intau morajing in mobogoi in mobarong; pogogaid inta tongá yumombi-yombit mokopoangoi kon kodaitan.

AMSAL 20:4

Monononggobá inta maḷat diá mobuká kon gobánea kon wakutunea; imbuitnea kon sempo in posipunan kon bungai in boyó yo butánea in diábí mobogoi in onu bo onu.

AMSAL 19:15

Aid maḷat mokopopisí kon intau mosiug moanok, bo imbuitnea intau maḷat koaputan in gogoy.

AMSAL 13:4

Intau maḷat mobayong in koibognea táe diábí tobatúmai in kodapotannea; intau inta totok in moḷongasi in mogaid mouḻínea in bayongan inta kinoibognea.

KORINTUS 1 15:58

Tuamai uḻe utatku mita inta kinotabiku, mokoporopot bo kotorindog. Umuran totu-totuu pogundoi kon i Tuhan, sin kinotaauanbí monimu kon bayongan inta inaidan monimu kon i Tuhan, komintanbí baraguna.

AMSAL 20:13

Intau inta siugon mobiag mobogá. Intau inta morajing mogaid mobarong in kaanon.

AMSAL 19:24

Oyúon in intau maḷatnea in ponango-nangoian; umpaka mopoyoyok in kaanon kon bibignea yo mobú in sia.

AMSAL 12:24

Simiḷopí totok mokopobaḻí kon intau mokadai kon kawasa; oaid momaḷat momakisa kon intau mobaḻí bobantung.

AMSAL 11:24

Oyúon in intau moibog mobogoi, táe modugangbí mooyúon, oyúon in morinut, táe modugang mobiag mobogá.

YOHANES 6:27

Donaaibí mogaid sinbá mokouḻí kon kaanon inta modai-daitpa bo inta mobongkog. Táe pogaidbí sinbá mokouḻí kon kaanon inta diá mobongkog bo inta mobogoi in kobiagan mononoi. Kaanon tatua in ogoibí i Adí Intau kon i monimu, sin Sia ain ilantik i Allah inta ki Amá.”

MOHOHUTUBA 10:18

Atop in baḷoi in moḷopakbí aka diá tompiaanmai, bo kon imbuitnea baḷoi tatua in morugá popisí in maḷat.

AMSAL 10:5

Intau mobijaksana in mosipunbí kon bungai in boyónea kon semponea, táe intau inta tongá mosiug kon sempo in posipunan kon bungai in boyó, mokopooyábímai kon inia tontaní.

AMSAL 12:27

Aka momaḷat yo diábí kodapotan onu in koibog; pongin rumoriga in mogaid intau mobaḻí mooyúon.

AMSAL 18:9

Intau inta maḷat in mogaid kon oaidannea notongkaibí in koraatnea in intau inta moibog momoguyaat.

KINOBAḺIAN 26:32

Kon singgai doman tatua bobantung mita i Ishak namangoi bo nopotaau kon inia soaḷ parigí inta ain kinaḻi monia. Guman monia, “Kami in nokouḻídon kon tubig.”