AMSAL 10:24 - Alkitab Singog In Mongondow Masa In Tanaa

²⁴ Intau inta motuḻid in gina mokouḻí kon onu inta sinayaknea; intau moraat mokouḻí kon onu inta totok in kinoondoknea.

AMSAL 10:24 Referans Kwoze

MAZMUR 145:19

Sia in mopoḷungangabí in gina in intau inta motoguondok; Indongogan-Neabí in kuani monia bo moposaḷamat kon i monia.

MATIUS 5:6

Pia in kamang in intau inta moibog totok mogaid kon inta mobanar; sin bayongan tua in ogoibí i Allah.

YESAYA 66:4

Tuamai Akuoi doman in mogaidbí kon onu in koibog-Ku bo mopouma kon i monia in bodito mita inta koondok monia. Sin kon tungkuḷ in Akuoi nogoiní, diá in notubag; kon tungkuḷ in Akuoi nosingog, diá in nokidongog. Mosia in moibo-ibogbí moḷawang kon i-Nakó bo mogaid kon inta moraat.”

AYUB 15:21

Singog mita inta motoyang inta mokobongoḷ kon bongoḷannea; kon tungkuḷ in noingongow mogogagow namangoi nonubu kon inia.

IBRANI 10:27

Dongka bidon tobatú in sinadia kon i naton, tuata in tumayow kon pongadilan i Allah bo tuḷu in torú-Nea inta momokak kon intau mita inta moḷawang kon i-Nia!

YOHANES 16:24

Umaai in tanaa mako, moiko in diápa kon dodai onda in noigum kon onu bo onu pinongin tangoi-Ku. Poigumdon, dá motarimabí in moiko, sinbá ḷunganga in ginamu motompodon.”

YOHANES 14:18

Moiko in diábí taḷaan-Ku tontaní ná uno-unon. Akuoi in mamangoibí bui kon i monimu.

MAZMUR 21:2

O Tuhan, moḷunganga in gina i datu sin iniropotan-Mudon in sia; mopia in ginanea popisí in kinountungan inta inogoi-Mu kon inia!

AYUB 3:25

Bayongan inta kino ḻia-ḻiaw in ginaku, noiantug kon inakó bayongan inta kinoondokku, noitugat kon inakó.

MAZMUR 37:4

Tayakdon in kopiaanmu kon i Tuhan, Pooropon-Neabí in ibog in ginamu.

AMSAL 1:26

Tuamai, aka moiko mobodito, yo kosingankubí. Aka moiko moondok, yo singkuḻeonkubí.

AMSAL 1:27

Singkuḻeonku in moiko aka moḻia-ḻiaw in gina monimu bo mororiga popisí in kinoantugan in bodito inta namangoi naonda bo deḷang.

AMSAL 15:8

Ki Tuhan in motarima kon sambayang in intau mopia, táe doíbí in Sia kon sosumba in intau moraat.

YEHEZKIEL 11:8

Moondok degá in kedang in moiko? Poangoi-Kubí in intau inta modia kon kedang sin monubu kon inimu.

DANIEL 4:28

Bayongan intua in nobaḻí kon inakó, ki Datu Nebukadnezar.