AMSAL 10:2 - Alkitab Singog In Mongondow Masa In Tanaa

² Kaoyúonan inta nouḻí pinongin tombogá diábí mobogoi in kauntungan; táe, gina motuḻid in mokosaḷamat.

AMSAL 10:2 Referans Kwoze

AMSAL 11:4

Aka tumayowdon kon popatoi, yo kapunyaan in diá bidon in mangaḻenea; mosaḷamatbí in iko aka motuḻid in ginamu.

AMSAL 21:6

Kaoyúonan inta nouḻí pinongin diá motuḻid ḷagi mobuḻi bo modia kon intau mopobayá in poḷobongan.

AMSAL 12:28

Intau inta dumudui kon daḷan inta noitutui in mobiagbí mosanang; intau inta dinumudui kon daḷan inta moraat mopobayá in popatoi.

SURAT I PAULUS KON JAMAAT RUM 5:21

Kita naa in mustibí matoi popisí in nogaid domandon kon dosa. Táe ki Allah in notabibí kon i naton bo nobogoi in daḷan kon i naton kon moyodame bui takin-Nea. Bo popisí in hubungan naton takin i Allah notompiadon bui, dá Sia in nobogoi domandon in kobiagan moitutui bo inta mononoi kon i naton inta pinongin i Yesus Kristus, ki Tuhan naton.

ZEPANYA 1:18

Kon singgai inta motoyang tatua ki Tuhan in mopoontongbí in torú-Nea, dá bayongan in buḷawan bo saḷaka monia in diábí mokoposaḷamat kon i monia. Sinangkub in dunia in morimumudbí moḷoḷayat tubáan in tuḷú in torú-Nea. Bo daḻi-daḻíbí rabuton-Nea in bayongan nyawa kon butá tanaa.

YEHEZKIEL 7:19

Buḷawan bo saḷaka in ḷumbúonbí monia kon daḷan naonda bo apat, sin kon singgai ki Tuhan mopoaid in torú-Nea, yo buḷawan bo saḷaka tua in diábí mokoposaḷamat kon i monia, nodapotbí in tongá mokopopisí kon i monia mogaid kon dosa. Diá bidon in mosia motaau mopomaké intua sin mopoorop kon ibog monia andeka pomonu monia kon sian.

SURAT I PAULUS KON JAMAAT RUM 2:5

Táe moiko totok motogat in gina bo doí momaḷui kon gogutú. Dá mangaḻenea kon tua moiko bidon tontaní in modugang kon roriga in hukuman kon i monimu kon Singgai Tumi, aka popoontongdon i Allah in torú-Nea bo hukuman inta moadil.

PILIPI 3:9

bo akuoi in totu-totuudon notobatú takin-Nea. Hubungan mopia takin i Allah in diábí nouḻíku sin popisí in dinumudui kon hukum in agama, táe tua in nouḻíkubí sin akuoi in nopirisayadon kon i Kristus. Dá tuamai hubungan mopia tua in namangoibí nongkon i Allah sin pinodoyon kon pirisaya kon i Kristus Yesus.

DANIEL 4:27

Tuamai in aka motaau dá ki Tuangku in dumuduipa kon tonggina in bobantung naa. Dikadon in ki Tuangku mogaid kon dosa, táe aidaidon in onu inta mopia bo moadil, bo kotabidon in intau nobiag nobogá. Takin natua ki Tuangku in umuranbí mobiag mopia-pia mako.”

AMSAL 13:11

Kaoyúonan inta nouḻí diá irorigaan in motoyongbí doman mogaat; táe kapunyaan inta piniḻim-piḻikmai sinipun in kodugang-kodugangbí.