AMSAL 10:13 - Alkitab Singog In Mongondow Masa In Tanaa

¹³ Intau inta mopandoi in pororainea mopoyaput in tosingogon mita inta mobijaksana; intau bodok paraḷubí ḷubagon.

AMSAL 10:13 Referans Kwoze

AMSAL 26:3

Keledai in musti baḷaḷáan, kabaḷo in mustibí sambokon, natua doman in intau bodok musti bongkugon.

AMSAL 6:32

Táe naonda degá in intau ḷoḷaki inta nonuaḻing? Sia in nomoguyaatbí kon awaknea tontaní! Totuu mobodok in sia!

YESAYA 50:4

Ki Tuhan Inta Totok in moḷantud in notundú kon inakó nosingog, sinbá tosingogonku in mokoropot kon intau inta noḷungkoyó. Pomuḷoi in doḷo-doḷom pomuká-Nea in ibog in ginaku sin mokidongog kon totundú-Nea kon inakó.

AMSAL 27:22

Umpaka bouton koropoton in intau bodok, yo diábí doman moinggamá in kobobodoknea.

AMSAL 20:15

Tosingogon mita inta tombonunea in sinotaau, in momaha-mahaḷbí nongkon buḷawan bo berlian.

AMSAL 19:29

Intau bodok inta motosiḷantud notantú bidon kon bongkugon.

AMSAL 17:10

Toboḷow komintan moiḻiu in mangaḻenea kon intau moibog mokidongog bo mopia-piabí kon ḷubag kogatut kon intau bodok.

AMSAL 15:23

Tosingogon mita inta siningog inta noitaná kon wakutunea, mokopoangoi kon sanang in gina.

AMSAL 15:7

Tosingogon mita in intau mobijaksana nopuḻing in sinotaau, táe raian in intau bodok in diábí natua.

AMSAL 10:31

Intau motuḻid in gina mopoyaput in tosingogon inta mobijaksana; intau moraat in pinomponan in bibignea.

AMSAL 10:21

Tosingogon in intau inta mopia, in mobaḻí barakat kon intau mobayong; kobobodok in intau bodok in moḻimodbí kon inia tontaní.

MAZMUR 32:9

Dika naonda bo kabaḷo inta diá in raian, inta musti diaan in sabarak bo tontogot sinbá dumudui.”

LUKAS 4:22

Onu inta poguman-Nea, komintan mokosanang kon gina monia, sahingga kinoibog monia in Sia bo umuran monia indongogan in poguman-Nea. Bayongan in intau kon tua komintan in noḻibo-ḻibóan, “Degá Siabí naa inta ki adí i Yusup?”

AMSAL 7:22

Diá bidon norai noḷanggó in sia dinumudui kon bobay tatua naonda bo sapi dinia kon tampat pororataan bo notongkai in intau inta dinakop sin motarima kon hukuman inta ain sinadia kon intau bodok;

IḶUAIAN 10:12

Bo ki Tuhan noguman kon i Musa, “Potonggódon in ḻimamu kon butá in Mesir. Pangkoḷá mita in namangoi bo mokaan kon bayongan in pinomuḷa inta ki agat in uyan eis.”

MAZMUR 37:30

Intau mopia mosingog takin bijaksana, sia in umuranbí motuḻid kon bonu in singognea.

AMSAL 16:21

Intau mobijaksana in kotaauanbí kon pororainea inta mopandoi; potosingognea inta mokosanang, mokorigon kon onu in siningognea.