AMSAL 1:7 - Alkitab Singog In Mongondow Masa In Tanaa

⁷ Sinbá mokouḻí kon pongotahuan inta mopia, yo muna-munamai intau in musti mohoromat bo motoguondok kon i Tuhan. Intau bodok in diábí mohoromat kon hikmat bo doí tundúon.

AMSAL 1:7 Referans Kwoze

AYUB 28:28

Ki Allah in noguman kon intau, “Sinbá mokouḻí kon hikmat, ki Allah in musti horomaton monimu. Sinbá momangaḻe, inta moraat musti poyayúon monimu.”

MAZMUR 111:10

Ki ine in moibog mobijaksana musti mohoromat kon i Tuhan, Sia in nobogoi in pomomangaḻe kon bayongan in intau inta motoḷutui. Dinayo-dayowdon in ki Tuhan dapot in mononoi!

MOHOHUTUBA 12:13

Naonda intua komintan irai-raikumai, naa in imbuit in tosingogon inta nouḻíku. Kotoguondok kon i Allah bo duduiai in bayongan parenta-Nea, sin tuabí in mangaḻe pinomaḻían-Nea kon intau.

AMSAL 9:10

Sinbá mobaḻí mobijaksana, muna-munamai intau musti kohoromat bo kotoguondok kon i Tuhan. Aka kinotaauanmu in ki Inta Totok in Motusi, yo iko in mokouḻí kon pomomangaḻe.

AMSAL 15:33

Motoguondok kon Tuhan in nobaḻí dodoyonan in topotundú inta mopia; kahoromatan inunaan in ompá in dodia.

AMSAL 18:2

Intau bodok doíbí motarima kon tonggina; sia in tongábí moibog mopotaau onu in kon bonu in ginanea.

AMSAL 1:22

“Ei intau dondunguḷ! Modapot in toonu in moiko umuran natua? Toonu in mogogai in moiko in mopoompámai kon pongotahuan bo doí motarima kon topotundú?

SURAT I PAULUS KON JAMAAT RUM 1:28

Bo lantaran irasa in intau kon diábí paraḷu in mosia monotaau kon i Allah, dá pinomayá bidon mako i Allah in kogoguyaatan in raian monia, sahingga in nogaidon mosia kon soaḷ mita inta pinoton aidan.

AMSAL 15:5

Intau bodok diá mopandung kon tonggina i amánea, intau mobijak mokidongog kon toboḷow.

ULANGAN 4:6

Aidai intua pokosatia. Aka aidan monimu in natua, dá kobobijaksanamu in moniatadon kon bangusa mita ibanea. Aka kodongogandon monia in hukum mita tatua, yo mosia in mogumanbí nanaa, ‘Totuu mobijaksana bo mopandoi in bangusa inta moḷoben tatua!’

AMSAL 2:5

Pongin natua dá kotaauanmudon onu in mangaḻe in motoguondok kon Tuhan bo kotaauanmudon totok in ki Allah.

AMSAL 15:32

Intau inta doí tongginaan, diábí mohoromat kon awaknea tontaní; intau inta moibog toboḷowon, mobaḻí mopia.

AMSAL 23:9

Dika mononggina kon intau bodok; diábí horomatonnea in tongginamu tatua.