AMSAL 1:29 - Alkitab Singog In Mongondow Masa In Tanaa

²⁹ Moiko in naonda bo intau inta diápa nokoimontanmai in moibog motayak kon sinotaau, bo doí dumudui kon i Tuhan.

AMSAL 1:29 Referans Kwoze

AMSAL 1:22

“Ei intau dondunguḷ! Modapot in toonu in moiko umuran natua? Toonu in mogogai in moiko in mopoompámai kon pongotahuan bo doí motarima kon topotundú?

AMSAL 6:23

Topotundú mita in guyangamu naonda bo togá inta mobayag; toboḷow monia mopoontong kon inimu in kobobiag inta mopia.

IBRANI 11:25

Sia in moibo-ibogbí mobiag moyoyiga moyotakin in umat mita i Allah, doíbí in sia nobiag nosanang táe umuran kinawasaan in dosa.

YESAYA 27:11

Aka tanganea mita moingkagdon bo moputoḷ, bobay mita in mamangoi mogamá sin pondungú. Bangusa tatua in diábí nonotaau in onu bo onu, dá ki Allah inta nomaḻí kon inia in diábí motabi andeka monotabi kon i monia.

YOHANES 3:20

Sin intau inta momia kon moraat, moyaat in ginanea kon bayag, sin dikabo koontongan in oaidnea inta moraat tua.

LUKAS 10:42

Bá poguman-Ku kon inimu kon tongábí tobatú in totok moponting. Ki Maria ain nomiḻí kon inta mopia, inta diábí bui gamáan kon inia.”

AMSAL 5:12

Bo iko in moguman, “Ah, nongonu sin akuoi in doíbí kon tonggina? Nongonu sin akuoi in doíbí sinoboḷow?

TAWARIKH 2 25:16

“Kibio-biómai,” guman i Amazia, “Aka diá, ḻimodon nami in iko! Diábí dodai in onda in kami noduí kon inimu nobaḻí monononggina i datu!” Dá kibio-biómaidon in nabi tatua, táe munadon in sia noguman, “Tanaa in kinotaauankudon kon ki Allah in nonantúdon kon moyopú kon i Tuang sin aid i Tuang tua, bo popisí in ki Tuang diá mopandungmai kon tongginaku.”