AMOS 8:7 - Alkitab Singog In Mongondow Masa In Tanaa

⁷ Ki Tuhan, Allah in bangusa in Israel, ain nongibot, “Akuoi in diábí mokoimontanmai in mokoḻiong kon aid monia inta moraat.

AMOS 8:7 Referans Kwoze

AMOS 6:8

Ki Tuhan Inta Totok in mokawasa bo Inta Totok in moḷantud nopotoingatdon nanaa, “Akuoi in doíbí totok kon ḷoḷatú in umat in Israel; diábí moḷunganga in gina-Ku kon komaḻig mita monia inta mopia totok tua. Putod in kotá monia takin bayongan inta kon bonunea in ogoi-Kubí kon musung.”

HOSEA 9:9

Totuu moraat in aidmu naonda bo inta inaidan in intau kon Gibea. Ki Allah in monoropbí kon taḷámu, bo mohukum kon i monimu popisí in dosamu.

HOSEA 8:13

Mosia in moibog moposumba in kuruban kon i-Nakó, bo mokaan kon ponoyá pinokuruban tatua, táe Akuoi ki Tuhan, in diábí moibog kon kuruban mita tatua. Tanaa in toropon-Kudon in dosa monia bo mohukum kon i monia popisí in dosa mita tatua; Akuoi in mokidiabí bui kon i monia pobui kon Mesir!

HOSEA 7:2

Diábí kon dodai in onda in noiraimai kon i monia kon toropon-Kubí in bayongan in aid moraat tatua. Táe dosa mita monia in noikoḷobdon kon i monia dá nosilangdon totok kon mata-Ku.”

MAZMUR 10:11

Kainiakamai, “Kinoḻiongandon i Allah bo diá bidon inindoian mako; bo moiduduimai in diábí doman ontongon-Nea in akuoi!”

YEREMIA 31:34

Diá bidon paraḷu tobatúmai in intau nongkon i monia in mositundúan bá monotaau kon i Tuhan. Sin mosia komintan, moḷoben mointok, in monotaau bidon kon i-Nakó. Taḷá mita monia in ḻiongon-Ku bidon, dosa mita monia in ampungan-Kubí. Akuoi, ki Tuhan, ain nosingog.”

YEREMIA 17:1

Ki Tuhan in noguman, “Ei bangusa in Yohuda, dosamu in noikurigdon kon ginamu bo kon bayongan siku in mezbahmu mita pinais in polpen uatoi inta intau in matanea.

YESAYA 43:25

Táe Akuoi in ki Allah inta nomopat kon dosamu, Inampungan-Ku in iko sin natuabí in sipat-Ku; Akuoi in diá bidon tantú monorop kon dosamu mita.

MAZMUR 47:4

Pinopountung-Nea in kita kon bangusa mita, binaḻí-Nea in kita mongogawasa kon suku mita in bangusa.

LUKAS 2:32

sia naonda bo bayag inta nonimbayag kon daḷan in intau mita ibanea, sinbá mosia in mamangoi kon ini-Mu; tuata in bayag inta mobaḻí dodoyonan poduían kon umat-Mu Israel.”

MAZMUR 68:34

kon i-Nia inta nongin baḷangon dungkuḷmai. Indongogai! Ki Tuhan in nosingog, singog-Nea in moḷangon totok.

IḶUAIAN 17:16

Guman i Musa, “Kadaiaidon bo tonggó koḷantud in bandera i Tuhan! Ki Tuhan noparang nonayow kon intau Amalek modapot kon adí bo ompu!”

YEREMIA 44:21

“Degá kai monimu kamai dá ki Tuhan in diábí nonotaau andeka nokoḻiongdon kon kuruban mita inta pinosumba kon kotá mita in Yohuda bo kon daḷan mita in Yerusalem in mogoguyangmu, in datu mita bo in pojabatmu mita, takin rayat kon butá tanaa bo takin doman moiko tontaní?

AMOS 4:2

Akuoi, ki Tuhan Inta Totok in Moḷantud in ki Tuhan inta motusi, bo Akuoi in nodandidon kon moiko in kon singgai moiduduimai in irudon in kokaud; moiko komintan in naonda bo toyá kon mata in kail.

AYUB 24:23

Inogoian i Allah in sia in kobiagan motompia, táe umuran iḷukadannea mako.

MAZMUR 47:5

Piniḻí-Neadon kon inaton in butá budel naton, inta kinoyunggaga in bangusa inta kinotabi-Nea.

YESAYA 22:14

Ki Tuhan Inta Totok in moḷantud bo Inta Totok in mokawasa nokipogontong kon inakó bo noguman, “Totuu, aid monia inta moraat tua in diábí ampungan-Ku modapot in mosia matoi. Akuoi in ki Tuhan, ain nosingog.”