AMOS 4:9 - Alkitab Singog In Mongondow Masa In Tanaa

⁹ Akuoi in nopoirup mangoi in tompot mopatú bo mopoangoi in mahaḷuk inta momoguyaat kon pinomuḷa mita takin gobá mita in anggurmu. Pangkoi mita in ara, bo pangkoi mita in zaitunmu ain nodait kinaan in pangkoḷá. Umpaka natuadon táe diápa doman in moiko nobui mangoi kon i-Nakó.

AMOS 4:9 Referans Kwoze

HAGAI 2:17

Akuoi in nopoonagdon in tompot mopatú bo uyan batu sin morimumud kon bayongan in bungai in pinomuḷa kon gobámu, táe moiko in doí doman mobui kon i-Nakó.

ULANGAN 28:22

Ki Tuhan in mohukum kon i monimu pongin takit mita inta dumodakit, bobagá mita bo patú. Sia in mopoangoi doman in patú inta mokoingkag kon butá bo tompot inta mokopokak dá bungai in boyómu mogoguyaat. Bodito mita tatua in tantú moiuma kon i monimu modapot in moiko moyopú.

YOËL 1:4

Paanan in pangkoḷá inta diá koiyapan in kobayongnea, dinumompá kon gobá mita bo nokaan kon pinomuḷanea. Onu in sinaḷáan in paanan tanaa, inindaitan in paanan ibanea doman.

AMOS 4:6

Akuoibí inta nopouma in bodito malarat in gogoy kon sinangkub in kotámu, táe moiko in diábí nobui mangoi kon i-Nakó.

AMOS 4:8

Kon tongonumai in kotá, intaunea mita inta noḷungkoyódon popisí in morogang, motayak kon tubig kon kotá ibanea, táe tubig kon tua in diá tugat. Umpaka natua, moiko in diábí doman nobui mangoi kon i-Nakó.

YOËL 2:25

Toḻiuan-Kubí in bayongan in karugianmu kon taong mita kon tungkuḷ in bungai in boyómu kinaan in pangkoḷá. Sin Akuoibí in inta nopotabá mangoi kon paanan in pangkoḷá tatua kon inimu.

YOËL 1:7

Mosia in noyompat kon pangkoi in anggur naton, bo pangkoi in ara naton, dongkadon tuodnea. Pangkoinea mita iningkuḻitandon monia, nodapot in tanganea mita nobudódon.

YEREMIA 5:3

Inta sinuntut i Tuhan in kososatiabí. Ki Tuhan in noḷubok kon i monimu, táe diá in pandung monimu. Sia in nomutuk kon i monimu, táe moiko in doí sambokon. Moiko in pamandot, bo doí mogogai in mogaid kon dosamu mita.

YEREMIA 3:10

Naonda in nogaid kon tua mita, Yohuda inta diá mosatia tua nobui kon i-Nakó táe tongá ki ubo-uboḷmai, sin ginanea in diábí notuḻid. Akuoi, ki Tuhan, ain nosingog.”

YESAYA 1:5

Nongonu sin moiko in umuranbí momayow? Moibog degá in moiko hukumon moiḻiu kon tua in kobogatnea? Uḷumu ain nopuḻing in paḻí mita, gina bo raianmu monakit.

TAWARIKH 2 6:28

Aka butá tanaa bo koantugan in malarat in gogoy andeka yampoi andeka pinomuḷa mita pinoguyaat in tompot mopatú, mahaḷuk andeka pangkoḷá andeka aka umat-Mu sinubu in musung, andeka sinugatan in takit,

DATU MITA IMITÁNEA 8:37

Aka butá tanaa koantugan in malarat in gogoy ande kotugatan in yampoi, bo pinomuḷa mita poguyaaton in tompot bo patú in singgai, mahaḷuk andeka pangkoḷá, andeka aka umat-Mu tubuon in musung, andeka kotugatan in takit,

ULANGAN 28:42

Bayongan pangkoi bo pinomuḷamu in modaitbí kaanon in mahaḷuk.

YESAYA 50:11

Ei moiko inta moibog mopobodito kon intau ibanea, moiko in yopúonbí in tomayámu tontaní. Ki Tuhanbí in mopobaḻí intua. Moiko in rorigaanbí totok.

HABAKUK 3:17

Umpaka pangkoi in ara diá in bungainea bo pangkoi in anggur diá in anggurnea, umpaka bungai in zaitun diá in notuoi bo bungai in gandum kon gobá mokokudai kon gina, umpakabí domba mita minatoidon komintan bo kobang in bobiagon diá in bonunea,

YESAYA 9:12

Bangusa in Israel diápa doman nomanasaḷ, umpakabí ain ihukum i Tuhan Inta Totok in mokawasa; mosia in diápa doman in tobat kon i-Nia.

HOSEA 11:5

Intau mita in Israel tatua in doí mobui mangoi kon i-Nakó, tuamai in mosia musti mobui mayá in Mesir, bo bangusa in Asyur in momarentadon kon i monia.

MALEAKHI 3:11

Diábí pomayá-Ku mako in pangkoḷá momoguyaat kon bungai in boyómu, pangkoi mita in anggurmu in modatogbí totok in bungainea.