AMOS 3:13 - Alkitab Singog In Mongondow Masa In Tanaa

¹³ Ki Tuhan Inta Totok in mokawasa bo Inta Totok in moḷantud in noguman, “Taridiaidon in tanaa, bo ogoiaidon in tompoingat in buí i Yakub.

AMOS 3:13 Referans Kwoze

TESALONIKA 1 4:6

Tuamai in musti mokopoingat, sinbá diá tobatúmai intau mogaid kon inta diá mopia kon i utatnea, andeka monguboḷ kon i utat sin tuḻíanbí i Tuhan in bayongan tua, ná inta ain pinotaau bo pinonorop nami kon i monimu koḻipod.

EPESUS 4:17

Tuamai in podoyon kon tangoi i Tuhan, naa in singogku bo ponoropku: donaai in mobiag naonda bo intau inta diá nonotaau kon i Allah bo tongá morai kon inta diá in mangaḻenea.

OUMAN IN RASUL MITA 20:21

Akuoi in umuran doman noponorop kon intau mita in Yahudi bo bangusa ibanea sinbá mosia in mogogaidon in mogaid kon dosa mita monia bo mamangoi kon i Allah poḷat mopirisayadon kon i Yesus Kristus ki Tuhan naton.

OUMAN IN RASUL MITA 2:40

Natuata pinogoginsilang i Petrus kon i monia. Bo nobarongpa doman in tongginanea ibanea inta monongganut kon i monia sinbá umukatdon kon bangusa mita inta moraat inta toko hukumon i Allah.

AMOS 5:27

Kon tungkuḷ in ḷumbúon-Ku in moiko kon butá tobatú inta noyayú nongkon Damsyik. Akuoi ki Tuhan inta tangoi-Ku ki Allah Inta Totok in mokawasa ain nosingog.”

YEHEZKIEL 2:7

Potaaubí in bayongan in koyow-Ku kon i monia, pinomayá moibog in mosia mokidongog andeka doí. Toropdon kon mosia tua in momomarontak mita.

YESAYA 1:24

Tuamai in ki Tuhan Inta Totok in Mokawasa, ki Allah in Israel in noguman: “Ei, musung-Ku mita, Akuoi in motuḻíbí kon yaat in gina-Ku kon i monimu, modapot in moiko diádon mokoposusamai kon i-Nakó bui.

TAWARIKH 2 24:19

Ki Tuhan nopotabá in nabi mita sin monoboḷow kon i monia sinbá buidon mogundoi kon i Tuhan, táe rayat in doíbí mokidongog.

DATU MITA 2 17:15

Israel bo Yohuda in doíbí dumudui kon parenta mita i Tuhan bo diá mosatia kon dodandian inta ain pinomia-Nea takin mogoguyang monia. Diábí in pandungonmai monia in toboḷow mita táe tongábí mosumba kon berhala mita inta diá in mangaḻenea. Dá mosiadon tontaní in nobaḻí diá in mangaḻenea. Dinumudui in mosia kon oaid in bangusa mita kon diugmai monia, umpaka ain inimaḷowan i Tuhan.

DATU MITA 2 17:13

Ki Tuhan in nopotabá in totabá mita bo nabi-Nea mita namangoi kon umat in Israel bo Yohuda sin mopotaau in tompoingat tanaa: “Pogogaidon in mogaid kon inta moraat bo duduiaidon in bayongan in parenta bo hukum inta inogoi-Ku kon mogoguyangmu bo kon inimu pinongin nabi mita, mogogundoi-Ku mita tatua.”

YOSUA 22:22

“Inta Totok in Mokawasa tuata in ki Tuhan! Inta Totok in Mokawasa tuata in ki Tuhan! Kinotaauan-Neabí kon nongonubí sin kami in nomiabí kon natua, bo ibogon nami sinbá kotaauan doman monimu mongo nongonu sin pinomiabí nami in natua! Aka kuma bo pinomia nami intua sin moḷawang kon i Tuhan andeka kami in diádon mopirisaya kon i-Nia, dá pobiódon mako in kami matoi tanaa doman mako!

ULANGAN 8:19

Dika mokoḻiong kon i Tuhan Allahmu bo dika mayá kon ilah mita ibanea sin mosumba bo mogundoi kon i monia. Singgai in naa akuoi moponorop kon i monimu kon aka aidanpa doman monimu intua, yo notantú bidon kon yopúon i Tuhan in moiko.

AMOS 3:14

Kon singgai hukumon-Ku in intau in Israel popisí in dosanea, yopúon-Kubí in mezbahnea mita kon Betel. Batúan in mezbah putoḷanbí in ubungnea mita dá moḷabú kon butá.