AMOS 3:12 - Alkitab Singog In Mongondow Masa In Tanaa

¹² Naonda bo gombala tobatú inta tongádon nokouḻí bui kon doyowa nosimpaḷ in sioḷ andeka bongoḷan tobatú in dombanea inta ain dinomok in singa, natua doman tongábí topiḻik in kotaḷáan in intau in Samaria inta tanaa pia-pia mako in mosiug kon tosiugannea inta mopia.”

AMOS 3:12 Referans Kwoze

YESAYA 31:4

Ki Tuhan in noguman kon inakó, “Naonda bo singa moganggor sin moḷukad kon onu inta noaḷapnea bo diábí motaau gogondokon in karak bo guak in gombala topaanan inta pinotabá moḷawang kon inia, natua doman in Akuoi in moparangbí bo moḷukad kon Buḷud in Sion.

DATU MITA 2 16:9

Ki Datu Tiglat-Pileser in notubag kon oigum i Ahas, bo nonubu poḷat nogagow kon Damsyik. Intau mita inta nogutun kon tua in dinianea nobaḻí intau mita inta sinoko dakop bo dinia pinobayá in Kir, bo datunea, inta ki Datu Rezin, in iḻimodnea.

DATU MITA IMITÁNEA 22:25

Ki Mikha in notubag, “Bain indoianmu in mobaḻí kon tungkuḷ in iko tumuot kon gopot tobatú sin mogadop.”

DATU MITA IMITÁNEA 20:34

Bo ki Benhadad in noguman kon inia, “Pobuionkubí kon i Tuang in kotá mita inta ain inagow i amáku nongkon i Tuang. Ki Tuang in motaaubí doman moposindog in pasar kon kotá in Damsyik ná inta pinomia i amáku kon kotá in Samaria.” Tubag i Ahab, “Pinodoyon kon dandi i Tuang tatua, poḷuatonkudon in ki Tuang.” Nopaḷut mako kon tua ki Ahab in nogaid kon dodandian takin i Benhadad bodongka nopomayádon kon inia minayá.

DATU MITA IMITÁNEA 20:30

Intau mita inta nokoḷagui, noḷagui minayá in kotá in Apek, táe dinding in kotá tatua noumpag bo noibumbun kon 27.000 in intau kon sigad monia. Ki Benhadad in noḷagui doman minayá in kotá tatua bo nogadop kon tobatú baḷoi kon gopot dotá in bonunea.

AMOS 6:4

Moboditodon in moiko inta nosiug kon ḷantaan inta totok in mogaga bo inta nononbobutungan poḷat noratá kon sapi bo domba batánea!

YESAYA 8:4

Sin kon dodai in adí tatua diápa motaau moguman ‘Amá’ bo ‘Iná’, bayongan in kaoyúonan in Damsyik bo bayongan in pakakat inta inagow in Samaria in akutondon pobayá kon i datu in Asyur.”

ESTER 1:6

Palas in komaḻig iḷambáan in toipoi nongkon kaeng lenan nobidu bo nobudó, sinogot in tontogot lenan moaḷus bo pinopogaboḷ kon ḻingkit mita saḷaka inta pinopoḷutud kon oigi mita marmar. Kon ḻimonagnea inukatan in bangko moḷanggó moompá inta nongkon buḷawan bo saḷaka kon tudu in taḷog inta iḷambáan in marmar nobudó, kristal nopura, kuḻit in mutiara inta mopouḻi-uḻinag bo batu pirus nobidu.

ESTER 7:8

Takin kinobuḻian in kamang ki Haman inumuḻid kon ḷoḻitúan i Ester sin mopoigum in ampung, táe noitongkanádon kon tua ki datu namangoidon bui nongkon taman in komaḻig. Nokoontongmai kon aid i Haman natua, ki datu in nomaḷú, “Onu? Mokobaḻípa doman in sia modomok kon i bokí kon naa, kon tayowonku bo kon komaḻigku tontaní?” Dá naonda in tosingogon mita tatua siningog i datu, pojabat mita in namangoi bo nongoḷubung kon uḷu i Haman.

MAZMUR 132:3

Gumannea, “Akuoi in diábí mogogai kon baḷoiku andeka mosiug kon tosiuganku,

AMOS 9:8

Akuoi, ki Tuhan Inta Totok in moḷantud, monaridimai kon dodatuan in Israel inta binaradosa tanaa, bo inggamáan-Kubí nongkon tudu in butá naa. Táe buí i Yakub in diábí modait-Ku yopúon. Akuoi, ki Tuhan, ain nosingog.

YESAYA 17:7

Kon singgai tatua intau in buidon mokituḷung kon i Inta nomaḻí kon inia, ki Allah mokudus in Israel.