AMOS 2:6 - Alkitab Singog In Mongondow Masa In Tanaa

⁶ Ki Tuhan in noguman, “Intau in Israel ain nopobui-buimai binaradosa, tuamai in notantú bidon kon hukumon-Ku in mosia. Intau mojujur inta diá mokopobui kon iḷuanannea, ain pinotaḷui monia nobaḻí ata. Natua doman in aid monia kon intau nobiag nobogá inta diá nokouboḻi kon boḻinea, umpaka boḻinea tatua tongá ná boḻi in aip in sioḷ togapang.

AMOS 2:6 Referans Kwoze

YOËL 3:3

Mosia in nopogonik in undi sin monantú mongo ki ine in mokouḻí kon intau mita inta sinoko dakop. Pinotaḷui monia in mongodeaga bo tayowmobiag sin baḻíon ata. Bo doit boḻinea in pakéon monia posundaḷan bo ponginuman kon anggur.

YOËL 3:6

Intau in Yohuda bo Yerusalem in dinia monimu pinoyayú kon butá monia; onda intua pinotaḷui monimu kon bangusa in Yunani.

YESAYA 29:21

intau inta moibog moponapud in uboḷ, intau inta moḷamboi kon intau moraat in hukumon, bo intau inta mongonguman magí mako kon ouman uboḷ sinbá intau motuḻid diá mokouḻí kon inta moadil.

DATU MITA 2 18:12

Samaria in noḷabú popisí in intau Israel diá motoindudui kon i Tuhan, Allah monia. Mosia in noḻiong kon dodandian inta pinomia i Tuhan takin i monia, bo mosia in iḻimimpat kon bayongan in parenta i Musa, mogogundoi-Nea. Mosia in doíbí mokidongog bo doí doman dumudui.

DATU MITA 2 18:11

Onda intua datu in Asyur nodia kon intau mita in Israel nobaḻí intau mita inta sinokodakop kon parang bo pinobayá in Asyur; tongosilai kon i monia tua in pinopoutun kon kotá in Halah, tongosilai in kon diug in Ongkag in Habor kon butá in Gozan, bo tongosilai doman in kon kotá mita in butá in Madai.

YEHEZKIEL 22:13

Táe tanaa in bongkugon-Kudon in mogogagow bo moḷoḻimodmu.

YESAYA 10:2

Pinongin aid natua moiko in moḷamboi kon intau bogá mokouḻí kon hak bo koadilan, bo mogagow kon kapunyaan in boba-bobay mita bo uno-unon.

ZAKHARIA 11:5

Mototaḷuinea mita noḻimod kon domba mita tatua táe diábí ihukum. Mosia inta nopotaḷui in tapú in domba mita tatua in noguman, ‘Dinayo-dayowdon in ki Tuhan! Tanaa in nodugangdon nooyúon in kita!’ Gombala mita tatua in diábí in tabi kon domba mita inta biniag monia.