ZAKHARIA 9:4 - Allah Wene Fano Wene Hupla Inane

⁴ Oba nen An Tuhan nen inenggi lek inelagaik mene hilingisogo fisagain. O kota andiba inangge sik-pikhogo werek mene andoma re An nen i laut agum oba hugisagain, nen o kota andi ebe re endu nen al tamukhogo nagain.

ZAKHARIA 9:4 Referans Kwoze

YEHEZKIEL 28:18

Tuhan ane ikhi logolik, ”Tirus yi re, haren he wene faget andogoti lagen kwe obalik omanogo weak mene hilingitik, onggo wanhik hunitik hilingiti logolik labelhigik hilingiti lagenma re emetfakhegen o. Andiba re An nen hat endu nolhabumo, alkan kurogo namore kweang inom higit asigin. Afuni mondogaren hat kwelakhiugunem we endu alkan enek hilingi'mo kumut hiikhi logogun.

YEHEZKIEL 26:17

Andi nen he iren wuni afuni salinafi logolik agarek awuni hat hobaget yi'nogo ikhi logogun: Kota fogeratu mondok werek awi a'nogo mondogat wolelenggenhogo hilinglaga o! Kapal aren mene omanogo mondogat he i laut en felelengete. Afuni andoma attak he i laut oba andoma inomame hokho mene were'ma, it afuni i aikwe werek mene nen he inailorinafi lagaukwa inap.

AMOS 1:10

Andiba re, An nen he, o Tirus leget pa'leget waganek mene andoma bene endu lakfei wagik, iren himbirengge wurik mene andoma endu nolhik, igin o,” iluk ikhe isikhe.

YOEL 3:8

An nen hit hinagainafuri ap mene inom, helime mene inom afuni Yehuda mene inoba onggo palogo helagain o. A'nogo onggo palinabumo, iren he afuni o Syeba yatma andoma mene inoba onggo paluageluk yagaisamo hunisugunat, iluk An Tuhan nen nane mondogat igi o,” isikhe.

YEHEZKIEL 28:16

Haren onggo hokhorogo heligik saburigik hilingiti logolik haniniba sebelogo fisugunem andiba weak hokhorogo hilingiti lagagin. Hat hebe An nandom mondok horek mene a'nogoba nen mugusogo wulakhafigi. Nen malaikat hat kagalharek werek mene nen he hat hebe helep permata eil tibelenggetu mene anggele'ma omanogo nen helokhe palogo amu fikhit hobagaikhe.

YEHEZKIEL 28:8

Hat hebe re pinggi hoasimbik waganogo re i laut a'ma salhabugun.

YEHEZKIEL 28:2

”Afuni wa'lagaikharek mene yi re, raja Tirus mene oba re yi'nogo yagaom, An Tuhan Lego Mondok welagirek mene a'nogo nen raja Tirus meneba ikhi lagi mene andoma yagaom o, ”Hat he honggwaregen leget fakhikhi logolik an nebe re dewa kembu i laut enggen tulem andoma hurek welagirek mene anggikhi lagen. Fano haren an nebe dewa welagi iluk anggikhi lagen oba nen he hat hebe ap we mene welagen a'nogo ebethano.

AMSAL 11:4

Wa'lasugun mene arat horogasi wagunem inangge yi mene ti mene logogin mene mondogat legasigin, hendawinggen fano higithogo hilingiti logogin andiba nek he hagap telek logogin.

AMSAL 10:2

Afuni inangge lalhigik helaluk enggi werek agarek mene andiba ambisangma fano mene hela lek hak, oba nen he it higithogo hilingitarek mene andiba inagap telagarek.

YESAYA 23:11

Tuhan enggi i laut agumkwe pisarogo lakfikhesik he, o kerajaan omanogo mondogat enggimo yinggilogo wanhemo werek. Nen Aren o Funisia leget pak waganek mene omanogo meisa'lambukhogo leget fisoageluk wene mondogat tekhogo fikhe.

ZAKHARIA 9:5

Kota Askelon inom Gaza inomen ineilenggen hambik he inailo nek asugun. O Ekron mene nen ogo ineilenggen hambik inendawinggen hambuk haluk logoure elo'lek asigin. Nen o Gaza mene re it inoe raja legasiginat, nen Askelon he afuni were'lek aiba hakhogo inareng tiring-tereng igin.