ZAKHARIA 8:6 - Allah Wene Fano Wene Hupla Inane

⁶ A'nogo hilinglasigin mene andi faget it ap inunggulenu yogondak ineluk werek mene nen he, wene andi re hilinglasigin elo'lek anggagarek, oba nen An nen hilingisu lek mene ekhe werek lek.

ZAKHARIA 8:6 Referans Kwoze

YEREMIA 32:27

”An he Tuhan Allah afuni mondogat faget ineisena welagi o. An nen hilingisu lek mene ekhe werek fuk.

LUKAS 18:27

at Yesus nen he, mel yagaisasikhe: ”Afuni nen hilingisu mondok elo'lek meneat he, at Allah nen hilingisigin enego,” iluk yagaisasikhe.

LUKAS 1:37

At Allah nen yi mene ti mene hilingisigin he, elogo. Elok hilingisigin enek,” iluk yagatikhemo re,

LUKAS 1:20

A'nogo wagarik wene yagaheti meneat he, eberogoat anggigi'lek andi nen, hilinglasigin higit oba hilinglasigin andi oan hilinglagi'lek werek kwelek he, halonggobak te'merogo hane igi'lek logombigen, hobuk wene andi mondogat hilinglagunemen, hane houwak igin o,” iluk yagatikhe.

YEREMIA 32:17

”Tuhan henupogot mene neisena, Hat Homame Hokho mene a'nogoba pogot inom kweang inom elalhigin. Haren yi'nogo ti'nogo hilingisu lek mene ekhe werek fuk.

2 RAJA-RAJA 7:2

A'nogo yagatikhemo, ap raja onggwarek agot lebethikhi lagaikhe mene nen he, ”A'nogo elok hilinglasigin nogo? Mondok elo'lego. O yogondak yiba Tuhan pogoroba nen meiso hokho mene kwe hurogo pelabi wesumo mene ogore, a'nogo hilinglasigin mondok lego,” iluk yagatikhe. A'nogo yagatikhe meneat he, at Elisa nen he, ”Wene andi eberogoat hilinglagunem, hat heilenggen tomok hagain aro. A'nogo hagain meneat he, gandum enggen andi endebengge halok ogo haren ekhe enduk mikhagain mondok lego,” iluk yagatikhe.

KEJADIAN 18:14

An hineisena Tuhan nen elalin mene hilingisu re elo'lek nogo? Hilingisigin enego. Tugi 9 logombigen hobuk hinoba wesigin, iluk attagat yagahisigi andi hak, wesigin aro. Wagunem, Sara eak abengge takhagain o,” iluk yagatikhe.

MAZMUR 118:23

Andi re elalin mene At Tuhan nen nit ninelokhoma hilingitemo o, iluk fogerati lago.

MATIUS 19:26

at Yesus nen he eilenggen lurogo inoba fesikhesik mel yagaisasikhe: ”Afuni nen hilingisugun mondok elo'lek meneat he, at Allah nen yi mene ti mene hilingisigin elok enego,” iluk yagaisasikhe.