ZAKHARIA 8:23 - Allah Wene Fano Wene Hupla Inane

²³ Inenggi andem oba re, ap pok mene inebe nomolo nen mene re ap Yahudi mene misik ekhe ambit wesimbik oba yagati logolik, ’Nit ninesanggo holhunemen he, hit he hineisena Allah nen fanot hinobagali'lago ugunem holhi lago o, andi nen he, nirogo a'nogo hilingninobagaumo ambisangma enggen ugu helikhi logoilo, iluk anggikhi lago,’ ikhi logogun,” iluk Tuhan Omame Mondok Hokho mene a'nogo ane yaganetunem holhi.

ZAKHARIA 8:23 Referans Kwoze

YESAYA 60:3

Yi afuni ti afuni inunggulenu lombok uluk-uluk hat haselek oba waga logogun, hat hoba nen hombak-bak weinam asigin mene andi faget he ap raja-raja inendawinggen wanigin.

YESAYA 55:5

Hiren he it inunggulenu amu mene inayonggo fisamo re, iren weak-weak hit hinambit wesugun, An Tuhan Allah Israel mene ineisena horek mondok welagirek mene a'nogo nen hit hinenu legeisogo hinobagasigimo re nonggwarek nenuba igi o,” ikhe.

1 KORINTUS 14:25

at endawimo hinago mene weinam asigin. Weinam agunem he, obabut liokhogo at ebe sebe iluk Allah fogerati logolik he, mel igin: ”Eberogoat Allah hinom welagebo,” iluk yagahisagain o.

YESAYA 45:14

Tuhan nen Israel mene inoba yagaisikhi logolik, ”Mesir mene nen enggen ugu inom Sudan mene nen ambisangma hokhorogo helagarek mene inom andoma hit hinangge asubagaigen he helani o. Afuni Syeba mene inoakhuse uandek mene andoma re hit inamingmingengge asugun. it he hit hinombo'ne posiemanggen heleba ke'nokhogo lirinarek waga logogun. Iren eberogo sebel fakhaluk inaneba fageti logolik, ’Ibi eberogo nen Allah re hit hinanggele'ma werego, At amu at werek, nen ilah amu mene ekhe werek lek!’ ikhi logogun.

YESAYA 66:18

An he iren ili'lagwi mene inom wenggeli'lagwi mene inom mondogat he nelu o. An nen afuni yi awi ti awi inunggulenu lombok misi'mo lambulogo fisageluk wesigin. Nen andoma andogosugun sambul andi re iren An nomame welagi mene a'nogo ineilenggen enegat neogoin.

KEJADIAN 31:7

Ariginik kwelek, hineisena nen enggi 10 nen oba lalnafik, onggo a'nogo wokheti logogin, ikhe a'nogo agam etik ikhe. Andi faget he aren an noba weagerogo nobagaigeluk ugunem, Allah nen kwe palfikhe.

KISAH PARA RASUL 19:12

Hilinginafunem he, su at Paulus amunggut tetungge mene he a, asu ebe mene elokhonggen weak asinogo iluk endakwe labeti lagaikhe mene he a, afuni nen waluk, it ou wanhi lagaukwa mene inoba fei lagunem he, ou fano agik, munggwarengge inobabut weak mene inendawimo kwisukwasik welagaukwa mene henogo wulifik, ikhi lagaikhe.

YESAYA 4:1

Andem oba re helime inebe 7 nen mene ap misik ekhe enggi fak fembik mel yagasugun, ”Nit ninaguni heligi'legengge logolik ninenggali hugu mondok logogun andi re fugo, we niren hat hebe ninagunap habugun enggere, haren fano in o. Ninangge nunggu mene inom ninasu laberugu mene inom ninonggwaregen halfakhikhi logogun,” iluk yagati logogun.

YESAYA 3:6

Andem sambul he afuni it mene misik ekhe wenagaisogo fisaluk iren ikhi logolik, ”We hat enek he hasu fanorogo laberek welagenma re, yogondak enggin-fenggin werek oba ya re haren nit fetninarek logoinogen menlame o,” iluk yagati logogun.

PENGKHOTBAH 11:2

Hobuk hit weak mene hinoba asigin hinonggot andi nen he, hinangge yi mene ti mene minggilhigik, amu-amu awingge wogisugunem awi yatarek andi hak fakhaluk inomamerogo hilingiti logoino o.

AYUB 19:3

Hiren hundik-handik an wena'neti lagep mene nenggi wenagaisogo 10 ba asi laga andi, hit hinenggali legat an weaget nabuogoluk ugu mondok welagep andiri!

1 TAWARIKH 12:18

A'nogo yagaisasikhemo it inanggele'ma aremnogo nen ap misik enu Amasai, hun andi hobuk it ap esa Tridasawira inoe kepala asigin mene a'nogo nen re, Allah areagun oba louk isikhesik aren ikhi logolik he, ”Daud hun Isai amlogo yi! Nit he hat hebikhit mene wago o! At Allah hat hebikhit werek andi nen he, hat hebe inom, hat hagoromi lebethiili'lagwi mene andoma inomen hilingiti lagep mene andoma re ambisangma fano mene nek aga logouwago,” iluk yagatikhe. A'nogo yagatikhemo re, at Daud en it a'nogo woginafikhesik agoromi perwira weim yafu mene faget inogogwi logouwageluk menfisilik lagaikhe.

2 RAJA-RAJA 2:6

A'nogo yagaisasikhemo, at Elia nen he Elisa mel yagatikhe: ”An he Tuhan nen i Yordan ima loagaluk yaganetemo lagain enggere, hat he yoma logoin o,” iluk yagatikhe. A'nogo yagatikhemo, at Elisa nen he, ”Nineisena Tuhan Eluk Mondok welagarek mene inom, hat inom, hinoak. An hat herakhobagaluk lagain legaro,” iluk yagatikhe. A'nogo yagatikhesik, emberegat pikhit he, i Yordan ima lagaukwa.

KEJADIAN 31:41

An nen 14 tahun hunisogo ha'logomi inebe pire arem faget yabu hilingiti lagagi, nen, tahun falfaligen oba re, wam kambing, domba inom faget eabu wanhi lagagi. A'nogo hilingitu kwelek aremnogo ogo hat nami nen an heabu hilingiti lagagi mene onggo iluk oba nen ogo henggi nomoloba nen agam eten. An nen 20 tahun hunisogo andi a'nogo nek heabu hilingiti lagagi.

LUKAS 8:44

afuni hokhorogo omanogo lagunem, Yesus ambotma lagaikhesik he, asu wurep enggi fakhasikhe. A'nogo fakhugu kwelek aremnogoat amep a'nogo palagaikhe.

BILANGAN 14:22

An nombak-bak mondok yararethigirek mene andiba, iren futfouwageluk, elalin mene o Mesir en hilingitunem ineilenggen higik, o leimo afuni le'ma nen hilingitunem ineilenggen higik, ili'lagwi meneat he, An nane hologo hilingisu mondok inabit logolik, iren he, omame werega? Lega, iluk nobabut paluogeluk lalnafu mondok werek andi nen, afuni it aroma mene ebe eluk ekhe inom hogo logombik, An nen o it inombalak wogisageluk wene warisasigiba andoma logoin mondok lego.

YOSUA 8:35

Musa nen wene melalogo yagaisasikhe mene omanogo re Yosua nen mondogat afuni Israel mene ap inom, hemi inom, inagainafuri magendek mene inom, nen afuni pok mene it inanggelekwe werek mene inom, andoma kabogetukwa mene omanogo inoba pilingisogo yagaisasikhe.

YESAYA 45:24

Afuni inane ikhi logolik, ”Katokhogo hilingiri'lagwi mene inom, inomame werek mene inom andoma re, Tuhan amu nenat wogisikherek iluk ugun!” Afuni mondogat inabit An noba fagarek mene re hobuk An nambit waga logolik inenggali hilik-hilik wesugun o.

YESAYA 60:14

Afuni hat sebelogo hobagaikhi lagaukwa mene inagainafuri re ineindep awi yagaisogo sagam esi wesugun, it inane weak hat hoba fikhi lagaikha mene omanogore sebe i wesimbik iren ikhi logolik, ”Hat he kota Tuhan mene o, igik, athe Sion, Israel mene ineisena Allah, Mondok Horek mene a'nogo aiba o, igik,” ikhi logogun.

ZEFANYA 3:19

O andi asi wesigin sambul andiba re, afuni nen sebelhinarek logolik werek mene andi re An nen weagarogo fisagain, nen, ap ineisok wut warek mene re An nen inagap telogo fisagain, afuni hele warogo lakfisasukwa mene re An nen lologo woginarek hobuk fisa wesigin. It inomame leget fisugunem werek mene andoma An nen agamhogo re inelokhe heanerogo hilingfisagain, o yi kwe ti kwe nen inom, o kweangma yoma mondogaren inomen ogore, it andi re legeisogo fisigik, fogetfisigik, ugun.

2 TAWARIKH 15:9

It afuni Efraim mene inom, Manasye mene inom, Simeon mene inom, a'nogo nen hasukwa re Tuhan nen at Asa lebethugunem hasukwasik he, o wilayah at Asa nen melalinafi lagaikhe kwe kerajaan a'nogoba logogun iluk it inebe mondogat at Asa ambit sebesi wagaukwa. Sebesi wagaukwama re at Asa nen it afuni Yehuda mene inom, Benyamin mene inom, o Yerusalem kabogesi we'ni iluk yagaisasikhe.

ESTER 8:17

Andi hakhogo re, it afuni Yahudi mene werekwe o kota ebe lombok inom, propinsi ba inom, o ekhema-ekhema inom omanogo surat raja nen enu salik loageluk wulafikhe mene a'nogo enu salik lagaukwama inesanggo holhukwa kwe omanogo re inagaiyek hokhorogo hilingitukwasik he seni isarik lagaukwa. A'nogo hilingitunem he afuni o andoma mene it Yahudi mene inoba inailo welagaukwa mene omanogo re nit hit Yahudi mene ninom asugun o, iluk it inoba sebesi wagaukwa.